![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/45/MugiAnonimaFront.svg/langeu-640px-MugiAnonimaFront.svg.png&w=640&q=50)
Mugi txartela
From Wikipedia, the free encyclopedia
Mugi txartela Mifare Classic teknologiadun kontaktugabeko txartela da, 2013ko martxoaren 4an Gipuzkoako Foru Aldundiak martxan jarritakoa. Txartelak herrialde osoko garraio publikoen ordainketa-sistema bateratzeko asmoa dauka, hau da, txartel bakarra izateko jaulki da. Hala, dagoeneko momentura arte Gipuzkoako garraio publikoetan erabiltzen ziren beste txartel batzuk ordezkatzen ditu, hala nola Lurraldebus txartela, tarifa-sistema bateratu bat ere martxan jarrita, Mugi Sistema, alegia.
![Thumb image](http://upload.wikimedia.org/wikipedia/commons/thumb/4/45/MugiAnonimaFront.svg/220px-MugiAnonimaFront.svg.png)
![Thumb image](http://upload.wikimedia.org/wikipedia/commons/thumb/c/cd/MugiFront.svg/220px-MugiFront.svg.png)
Irrati-uhin bidez 2 eta 10 cm bitarteko distantziara komunika dezake informazioa, txartela eta balioztatze-puntuaren arteko kontakturen beharrik ez duela. Txartelak saldo eguneratuaren informazioa gordetzen du, eta bezeroak balioztatze-puntuetako pantailetan zein beste dispositiboetan ikusgai du, adibidez Interneten.