![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/64/Amateur_Muay_Thai.jpg/640px-Amateur_Muay_Thai.jpg&w=640&q=50)
Muay Thai
From Wikipedia, the free encyclopedia
Muay Thai (thailandieraz: มวยไทย, Muai Thai, mūaj.tʰāj ahoskatua) edo thailandiar boxeoa, ostikoak eta ukabilkadak ematea onartzen duen kontaktu kirola da. Thailandian sortua —bertan ikur nazionala da—[1], Indotxinako beste boxeoen antzekoa da, Kanbodiako prodala, Malaysiako tomoya, Myanmarreko lethweia edo Laosko muay Laoa bezala.
![Thumb image](http://upload.wikimedia.org/wikipedia/commons/thumb/6/64/Amateur_Muay_Thai.jpg/640px-Amateur_Muay_Thai.jpg)
Muay Boran borroka-arte tradizionalean oinarritua da, eta nazioartean ospetsu bilakatu zen, disziplina horretako borrokalariek beste borroka-arte maisuak menderatu zituztenean.[2]
Haren ezaugarririk garrantzitsuena ukondokaden eta belaunkaden erabilera da: horrek beste borroka metodoetatik bereizten du eta, gainera, borroka estilo oso eraginkorra izatea dakar.
Muturreko kirol moduan sailkatzen da askotan, jardueraren gogortasuna dela eta. Thailandian oso ospetsua da, batez ere kirol apustuetan mugitzen dituen diru kopuru izugarriengatik. Hala eta guztiz ere, nazioartean duen ospearen arrazoia MMAan izandako erabilera da.