![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/02/Block_diagram_continental_crust_structure_FR.png/640px-Block_diagram_continental_crust_structure_FR.png&w=640&q=50)
Lurrazal kontinental
From Wikipedia, the free encyclopedia
Kontinente-lurrazala edo lurrazal kontinentala arroka igneo, sedimentario eta metamorfikoz eraturik dagoen eta kontinenteak eta kontinente-plataformak (itsasoko eremu ez sakonak, itsasertzetan kokatuta) osatzen dituen Lurraren azaleko eremua da. Lurraren gainazalaren ia %40a inguru betetzen du. Kontinente-lurrazala osatzen dituzten elementuei begira, ugarienak silizea eta aluminioa dituzten mineralak dira.
![Thumb image](http://upload.wikimedia.org/wikipedia/commons/thumb/0/02/Block_diagram_continental_crust_structure_FR.png/640px-Block_diagram_continental_crust_structure_FR.png)
Garrantzitsua da lehen bait lehen nabarmentzea kontinente-lurrazalak dentsitate baxuagoa duela (d=2,83g/cm3) ozeano-lurrazalarekin konparatuz. Honen arrazoia lurrazal bakoitzak dituen osagaiekin du zerikusia: Ozeano-lurrazalak mineral mafiko gehiagoz dago osaturik (pisutsuagoak direnak), eta kontinentalak, aldiz, mineral feltsiko ugariago ditu. Bestetik, kontinente-lurrazala ozeanikoa baino lodiagoa da, 25 eta 70 km bitarteko lodierak ditu(batez-besteko lodiera 35km-koa izanik). Ozeano-lurrazalak aldiz, 7 eta 10 km bitarteko lodiera izan ohi du.
![Thumb image](http://upload.wikimedia.org/wikipedia/commons/thumb/e/eb/World_relief_map_with_isopachs_of_crustal_thickness.jpg/320px-World_relief_map_with_isopachs_of_crustal_thickness.jpg)