Lemmenjokiko Parke Nazionala
From Wikipedia, the free encyclopedia
Lemmenjoki Parke Nazionala (Finlandieraz: Lemmenjoen kansallispuisto; Iparraldeko Samieraz: Leammi álbmotmeahcci), Finlandiako parke natural handiena eta Europako zabalenetarikoa da. Norvegiarekin egiten du muga eta Kittilä baino batez ere Inari udalerrian dago, Laponian. Lemmenjoki ibaiak ematen dio izena parke naturalari eta 2.850 km² dauzka, ia Araba bezain handia. Gainera, babestutako lurraldeak Norvegian barrena jarraitzen du Øvre Anarjokka izenarekin.
| Lemmenjokiko Parke Nazionala | |
|---|---|
| I.b maila: natura basatiko gune | |
 | |
| Datu orokorrak | |
| Mota | parke nazional |
| Azalera | 2.850 km² |
| Eponimoa | Lemmenjoki |
| Geografia | |
 | |
| Koordenatuak | 68°36′43″N 25°52′17″E |
| Estatu burujabe |  Finlandia |
| Regional State Administrative Agency | Regional State Administrative Agency for Lapland |
| Finlandiako eskualdeak | Lappi |
| Finlandiako udalerriak | Inari |
Isolatutako tontor ugari daude, Eskandinaviar mendien bukaeran, hala nola Maaresta eta Viipus, eta ibai txiki ugari daude. Batez ere pinudiak eta urkiak dira nagusi ibaien inguruko bailaretan, baina altuera handitzen doan heinean, zuhaitzik gabeko Tundra bihurtzen da buru. Zingirak ere ugariak dira. Parke nazionalean animalia biodibertsitate handia dago, hala nola hartz arreak, altzeak eta arrano beltzak, baita otsoak ere. Elur-orein aziendak ere aurki daitezke, baina noski, hauek ez dira basatiak. Parke Nazionala bi eremuetan zatitzen da, jendea sartu daitekeen eremua eta ezin sar daitekeena.
XIX. mendean urrea aurkitu zen Lemmenjoki ibaiko bailaran eta II. Mundu Gerra baino lehen biztanle asko gerturatu zen hona urre-sukarrak bultzaturik. Hala ere, jendea nazkatu eta bertatik alde egin zuen, baina badago oraindik urre bila etortzen den ausartik. 1956. urtean, Finlandiako gobernuak, Parke Nazional izena eman zion baso-eremu zabal hauek babesteko asmoz.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
