![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/58/Graphic_TMI-2_Core_End-State_Configuration.png/640px-Graphic_TMI-2_Core_End-State_Configuration.png&w=640&q=50)
Korio
From Wikipedia, the free encyclopedia
Korioa edo corium-a erreaktore nuklear baten nukleoaren atalak urtu ondoren sortutako labaren antzeko ore nahasia da. Korioa erreaktore nuklearretan gerta daitekeen istripurik larrienak diren urtze nuklearretan sortzen da.
![Thumb image](http://upload.wikimedia.org/wikipedia/commons/thumb/5/58/Graphic_TMI-2_Core_End-State_Configuration.png/640px-Graphic_TMI-2_Core_End-State_Configuration.png)
Korio hitza ingelesez sortutako neologismo bat da, core, "bihotza", eta elementu kimiko askotan erabiltzen den -um atzizkia batuz. Ingelesez fuel containing material (FCM, "erregaia duen materiala") eta lava-like fuel containing material (LFCM, "erregaia duen labaren antzeko materiala") ere deitzen zaio.
Korioaren osagaiak erregai nuklearra, fisio nuklearraren produktuak, kontrol-hagak, erreaktorearen egiturazko materialak, airearekin kontaktuan jartzean sortutako erreakzio kimikoen produktuak, ura eta lurruna dira, eta erreaktorearen ontzia hausten bada, erreaktorearen zoruko hormigoi urtua ere sartzen da nahastean.