John Vincent Atanasoff

John Vincent Atanasoff (Hamilton, New York, 1903ko urriaren 4a - 1995eko ekainaren 15a) estatubatuar fisikaria izan zen. Elektronika digitalaren erabileran aitzindaria eta ENIAC lehen ordenagailu elektroniko digitalaren gurasoetako bat.

John Vincent Atanasoff
Irudi gehiago
Bizitza
Jaiotza	Hamilton, 1903ko urriaren 4a
Herrialdea	Ameriketako Estatu Batuak
Heriotza	Frederick, 1995eko ekainaren 15a (91 urte)
Heriotza modua	: istripu zerebrobaskularra
Hezkuntza
Heziketa	Wisconsingo Unibertsitatea Madisonen Mulberry High School (en) Floridako Unibertsitatea Iowa State University (en)
Tesi zuzendaria	John Hasbrouck Van Vleck
Doktorego ikaslea(k)	Clifford Berry (en) Charles Joseph Thorne (en) Roy Herbert Cook (en)
Hizkuntzak	ingelesa
Jarduerak
Jarduerak	fisikaria, asmatzailea, unibertsitateko irakaslea, matematikaria, informatikaria eta ingeniaria
Enplegatzailea(k)	Iowa State University (en)
Jasotako sariak	ikusi Teknologiaren eta Berrikuntzaren Domina Nazionala  (1990) Holley Medal  (1985) Computer Pioneer Award  (1984) Order of Stara Planina Order of Cyril and Methodius Honorary doctorate of the University of Florida  (1974)
Kidetza	Bulgarian Academy of Sciences (en)

John Vincent Atanasoffen omenezko oroitarria, Sofian, Bulgaria.

Biografia

1927-1942 bitartean irakaslea izan zen Iowa State Collegen, eta 1939an bere laguntzaile Clifford E. Berryrekin batera, hilabete gutxi batzuetan, erabilera orokorreko makina txiki baten eredua egin zuen. ABC izena eman zioten (Atanasoff-Berry Computer). 1939an hasi ziren ordenagailua bera egiten, eta 1942an Bushen analizagailu diferentziala (garai hartako ordenagailu analogiko zehatzena) baino 100 aldiz zehatzagoa zela frogatu baldin bazen ere, Bigarren Mundu Gerraren eraginez bertan behera utzi zen proiektua.

Atanasoffek bere diseinuan oraindik ere gaur egungo ordenagailu modernoetan erabiltzen diren zenbait elementu erabili zituen: kondentsadoreak (memoria RAM askok erabiltzen dute prozesu hori), edota aritmetika bitarra. Elektronika digitala erabiltzen zuen lehen ordenagailua, ENIAC, aurkeztu zenean ez zen aitortu Anatasoffekiko zuen zorra, eta 1967an Sperry Rand Corporationek auzitara eraman zuen Honeywell Inc., ordenagailu hori aspaldiagoko ABCren diseinuan oinarritzen zela argudiaturik. 1973an baliorik gabe utzi ziren ENIACen patenteak.

Wikimedia Commonsen badira fitxategi gehiago, gai hau dutenak: John Vincent Atanasoff

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q314308
• Multimedia: John Vincent Atanasoff / Q314308