John Jamieson Carswell Smart

John Jamieson Carswell Smart (Cambridge, Ingalaterra, 1920ko irailaren 16a - Melbourne, Australia, 2012ko urriaren 6a) ingeles filosofoa izan zen.

John Jamieson Carswell Smart
Bizitza
Jaiotza	Cambridge, 1920ko irailaren 16a
Herrialdea	Erresuma Batua  Australia
Heriotza	Melbourne, 2012ko urriaren 6a (92 urte)
Familia
Aita	William Marshall Smart
Haurrideak	ikusi Ninian Smart (en)
Hezkuntza
Heziketa	Glasgowko Unibertsitatea The Queen's College
Doktorego ikaslea(k)	Mark Colyvan (en)
Hizkuntzak	ingelesa
Jarduerak
Jarduerak	filosofoa, katedraduna eta idazlea
Enplegatzailea(k)	Australiar Unibertsitate Nazionala Adelaideko Unibertsitatea La Trobe University (en)
Jasotako sariak	ikusi Fellow of the Australian Academy of the Humanities  (1969) Companion of the Order of Australia  (1990eko ekainaren 11)
Kidetza	Australian Academy of the Humanities (en)
Sinesmenak eta ideologia
Erlijioa	ateismoa

Australiako Monash Unibertsitateko irakasle emeritua izan zen, eta metafisika, zientziaren filosofia, erlijioaren filosofia eta politika-filosofia arloetan aritu zen. Espekulazioaren filosofia ororen kontra agertu zen, eta kritikak egin zizkion existentzialismoari, bere ustez existentzialismoa hitz hutsean oinarritua eta patetikoa zelako. Era berean, ikuspegi fenomeniko edo instrumentalista oro baztertu zituen, eta horien aurrean errealismo zientifikoa aldeztu zuen, esanez gauzaki fisiko guztiak errealak direla eta prozesu fisiko guztiak arau deterministek arautuak direla. Smartek ez zuen onartzen gorputza-adimena dualismoa, eta, oro har, utilitarismoaren alde agertu izan zen.

Idazlanen artean, aipagarriak ditu An Outline of a System of Utilitarian Ethics (1961, Etika utilitarioaren sistema baten oinarriak), Philosophy and Scientific Realism (1963, Filosofia eta errealismo zientifikoa), Between Science and Philosophy: An Introduction to the Philosophy of Science (1968, Zientziaren eta filosofiaren artean: zientziaren filosofiari sarrera) eta Utilitarianism: For and Against (1973, Utilitarismoa: zer alde eta zer kontra).

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q600759