Joaquín Rodrigo

Joaquín Rodrigo
	; Irudi gehiago
Bizitza
Jaiotza	Sagunto, 1901eko azaroaren 22a
Herrialdea	Espainia
Heriotza	Madril, 1999ko uztailaren 6a (97 urte)
Hobiratze lekua	Santa Isabel hilerria
Familia
Ezkontidea(k)	Victoria Kaspi (1933ko urtarrilaren 19a -
Hezkuntza
Heziketa	École Normale de Musique de Paris Alfred Cortot (en)
Hizkuntzak	gaztelania
Irakaslea(k)	Francesc Antich Carbonell (en) ; Paul Dukas; Maurice Emmanuel; André Pirro (mul)
Jarduerak
Jarduerak	musikagilea, koreografoa, piano-jotzailea, pedagogoa, musikologoa eta gitarra-jotzailea
Lan nabarmenak	ikusi Concierto de Aranjuez;
Jasotako sariak	ikusi Commander's Cross of the Order of Merit of the Federal Republic of Germany ; Arteetako Asturiasko Printzesa saria (1996) ; Arte eta letren komendadorea ; Ondas Sariak (1995) ; Alfontso X.a Jakitunaren Ordenako Gurutze Handia (1953) ; Arte Ederretako Merituaren Urrezko Domina (1980) ; honorary doctor of the University of Alicante ; Madrilgo Complutense Unibertsitateko honoris causa doktoregoa (1989) ; Gran Cruz de la Orden Civil de la Solidaridad Social (1996) ; Medal of Work Merit (1966) ; Knight Commander of the Order of Alfonso X (1945) ; Meritu Zibileko Ordenaren Gurutze Handia (1966) ;
Kidetza	San Fernandoko Arte Ederren Errege Akademia
Genero artistikoa	opera; zarzuela
Musika instrumentua	pianoa
	joaquin-rodrigo.com

Joaquín Rodrigo Vidre (Sagunto, 1901eko azaroaren 22a - Madril, 1999ko uztailaren 6a) espainiar musikagilea izan zen. Hiru urte zituela itsu geratu zen. Gaztetandik hasi zen Valentzian musika ikasten Antichekin. 1927. urtean Parisa joan zen eta Paul Dukasekin osatu zituen ikasketak. Garai hartan Manuel de Fallaren laguntza izan zuen. 1925. urtean konposizioko sari nazionala irabazi zuen, eta 1942. urtean musikako sari nazionala. 1940. urtean mundu osoan ezaguna den gitarra eta orkestrarako Concierto de Aranjuez (1938-1939) estreinatu zuen, eta handik aurrera Espainiako Gerra Zibilaren ondorengo espainiar musikagile nagusitzat hartua izan da. 1950. urtean San Fernandoko Arte Ederretako akademiako kide izendatu zuten. Rodrigoren musikak molde neoklasikoak erabiltzen ditu, harmonia eta orkestra laguntza soila, eta kolore folklorikoa. Aipatutakoaz gainera, lan aipagarriak ditu, besteak beste: Per la flor del lliri blau (1934) poema sinfonikoa; Concierto heróico (1942); Concierto de estío (1943); Concierto galante (1949), biolontxelo eta orkestrarako; Concierto serenata (1952), harpa eta orkestrarako; Fantasía para un gentilhombre (1954), gitarra eta orkestrarako; Concierto andaluz (1967); eta Con Antonio Machado (1972), kantu eta pianorako.

Datu azkarrak Bizitza, Jaiotza ...

Itxi

1983an Espainiako Musika Sari Nazionala eman zioten eta 1996an Asturiasko Printzea saria, musika espainiarrari bultzada berriak emanez mundu-mailan ezagutzera emateagatik, eta orokorrean musika espainiarrari egindako ekarpenagatik.

Erreferentziak

Wikimedia Commonsen badira fitxategi gehiago, gai hau dutenak: Joaquín Rodrigo

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q151084
Multimedia: Joaquín Rodrigo / Q151084