Erreniegako mendilerroak markatzen du gaurko etaparen norabidea. Igoerak 260 metroko desnibela du, oso progresiboa, eta jaitsiera sendoa eta harritsua da. Erreniegako Gaina begiratoki bikaina da: atzean Iruñea eta Pirinioak ikusten ditugu, eta aurrean Nafarroako lautada zabala. Etaparen amaieratik hurbil, Eunateko Santa Maria ermita zoragarria bisitatzeko desbidera gaitezke.
![Thumb](http://upload.wikimedia.org/wikipedia/commons/thumb/5/53/Alto_del_perdon.jpg/640px-Alto_del_perdon.jpg)
Gares etapa klasiko baten amaiera da, kultur erakargarritasun eta zerbitzu ugari dituen herria, eta ondorioz, erromes askok gehien atsegin dutena atseden hartzeko. Herri xumeen bakardadeak nahiago dituztenentzat, aukera onak daude kilometro gutxira.[1]
Udaletxeko enparantzatik Kale Nagusira joan, Zitadela parkea zeharkatu eta Nafarroako Unibertsitateko campuseko lorategietatik Iruñetik irten. Sadar ibaiaren gainean dagoen Azella Erdi Aroko zubitik igaroko gara, eta oinezkoentzako bide bat hartuko dugu, Zizur Txikiko errepidearekiko paralelo. Igoera apal batean, Elortz ibaia, trenbidea eta AP-15 autobidea gurutzatuko ditugu, Zizur Txikira iritsi arte.
4,9. Zizur Txikia. Irteeran parke bat zeharkatuko dugu, ondoren zereal-soroen arteko pistetan aurrera egiteko, igoera apalean. NA-6004 errepidea gurutzatu, eta pista bat jarraituko dugu Zarikiegiraino.
11,0. Zarikiegi. Pixkanaka Erreniegako gainera iritsiko gara. Beherago Erreniegako iturriaren ondotik igaroko gara, eta elezahar baten arabera, deabruak iturri horretako urarekin tentatzen zituen erromesak, fedea ukatzearen truke. Hala, haizeak gogor jotzen duen Erreniegako Gainera ailegatuko gara.[2]
![Thumb](http://upload.wikimedia.org/wikipedia/commons/thumb/3/3d/Auf_dem_Weg_nach_San_Juan_de_Ortega_-_panoramio_%281%29.jpg/640px-Auf_dem_Weg_nach_San_Juan_de_Ortega_-_panoramio_%281%29.jpg)
13,3. Erreniega gaina. Jaitsiera hasten dugu, lehen zatian oso nabarmena, harri solteko pista deseroso batetik. Behean lautada erosoagotan jarraituko dugu, zereal-soroen artean.
16,8. Uterga. Aurrera jarraitzen dugu, inolako zailtasunik gabe, lehenbizi nekazaritzako pistetatik eta gero landa-bide batetik, Muruzabalera ailegatu arte.[3]
19,5. Muruzabal. Herriaren erdian, 2,4 km-ra. dagoen Eunateko Santa Maria oinplano oktogonaleko ermita erromaniko zoragarrirantz desbideratzeko seinaleak daude. Bisitaldiaren ondoren, ermitatik Muruzabalera itzuli edo Garesera joango da zuzenean. Eunatera joaterik ez badugu, Muruzabaletik lurrezko pista batetik jarraituko dugu Obanoseraino, non Bide Frantsesa eta Somportetik eta Jakatik datorren Aragoiko Bide Frantsesa elkartzen dira.
21,3. Obanos. NA-6064 errepide probintzialera jaitsi, gurutzatu eta baratze batzuen artetik igaro, Jakue hotelaren paretik Garesera sartuz.[4]
23,9. Gares.
![Thumb](http://upload.wikimedia.org/wikipedia/commons/thumb/6/60/Puente_la_Reina.jpg/640px-Puente_la_Reina.jpg)
Arga ibaiaren gaineko zubi erromaniko zoragarritik doa Donejakue bieda, herriari toponimia ematen diona. Eraikin historiko ederrak ditu, eta horien artean Sarriako eta Iriberriko jauregiak nabarmentzen dira.
Ezagunena “Aita Zuzentzaileen aterpetxea” da, herriaren sarreran dagoena. Bertan 100 lagun sartzen dira hamabi logela partekatutan. Gidetako beste aterpetxe batzuk honakoak dira: Jakue aterpetxea, Santiago aterpetxea, Puente aterpetxea, Amalur aterpetxea, Estrella Guia aterpetxea, Zubi ostatua, eta Plaza ostatua.[5]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.