From Wikipedia, the free encyclopedia
Hiri adimentsua (ingelesezko smart city terminoaren itzulpena) hirigune berezia da, informazio-bilketarako sentsore elektronikoz osatua, eta informazio hori prozesatzeko baliabide teknologikoak dituena, guneko errekurtsoak modu efizientean kudeatzeko. Informazio horren barruan, biztanleriari buruzko informazioa dago (dauzkaten gailuak eta ondasunak ere egon daitezke), behin prozesatu ondoren erabiliko dena guneko garraio publikoa, ikastetxeak, osasun-zentroak, zentral energetikoak eta bestelako zerbitzu publikoak kudeatu eta monitorizatzeko. Informazio eta komunikazio-teknologiak (IKT) eta gauzen Interneta (Internet of things, IoT) kontzeptuak integratzen dira hiri adimentsuetan, herritarrekin zerbitzuen konektibitatea optimizatzeko.
Gaur egungo teknologiaren, ekonomiaren, gizartearen eta ingurumenaren aldaketen ondorioz, interes handia piztu da hiri-eredu honen inguruan. Hiri adimentsuaren teknologia eta programak hainbat hiritan inplementatu dira, hala nola Dubain, Amsterdamen, Bartzelonan, Madrilen, Stockoholmon, Txinan eta New Yorken.
Smart City kontzeptua Hiri Digitalak deiturikoen bilakaeraren ondorioz sortu zen. 2004an sortu ziren hiri adimentsuak Espainian, herrialde horretako Industria Ministerioak munduan lantzen zen Hiri Digitalen lehen programa egiteko egin zuen lanaren ondoren. Lan hori egin aurretik, Enrique Ruz Bentué buru zuen Espainiako enpresak jatorri sektorial desberdineko 30 enpresa baino gehiago bildu zituen (telekomunikazioak, segurtasuna, eraikuntza, ikus-entzunezkoak, kontsumo-elektronika, material elektrikoa, informatika, osasuna, hezkuntza, etab.), Espainiako eskualde eta hirietako gobernuekin batera, Komunitate Digitala sortzeko. Sektore anitzeko bilera horren ondorioz, 5.000 m ² -ko hiri baten aurkezpen iragankorra egin zen: etxebizitzak, banketxea, ospitalea, hotela, zerga-ordainketarako bulegoa, posta, gobernu-bulegoak, eskola eta dena, argiteria publikoa zuen hiri-ingurune batean, semaforoak, hiri-altzariak eta benetako hiria osatuko zuen guztia, baina zinema-formatuko aurkezpen batean. Komunitate Digitalean, Enrique Ruzek ZTE, Telefónica, Siemens, Gas Natural, Prosegur, Berker, Indra, Race eta beste enpresa batzuen eskutik aurkeztu zuen lehen Hiri Digitala; urte batzuk geroago IBMk Smart City izena jarri zion.
Hiri adimentsu modura inplementatu diren teknologien kopuru handia dela eta, oso zaila da horren definizio zehatz bat egitea. Hainbat faktore hartu dira hiri adimentsu baten definizio gisa:
Hiri adimentsua IKTak hiritarren beharrak asetzeko komunitatearen elkarlana erabiltzen duen hiri modura definitzen da. Beraz, hiri adimentsua ez da soilik teknologia horiek erabiltzen dituen gunea; horrez gain, teknologien bidez tokiko komunitatean eragin positiboa lortzen den bilgunea ere bada.
Hortaz, hiri adimentsuak helburu hauekin erabiltzen ditu informazio-teknologiak:
Azken urteotan, hainbat kritika azaldu dira hiri adimentsuen inguruan, hala nola arazo hauek adierazten dituztenak:
Hiri adimentsuaren teknologia eta programak inplementatu diren hirietan, honelako ekimenak burutu dira:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.