![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/07/Srebrenica_massacre_memorial_gravestones_2009_1.jpg/640px-Srebrenica_massacre_memorial_gravestones_2009_1.jpg&w=640&q=50)
Genozidio
arraza, talde etniko, erlijioso edo nozional baten suntsiketa sistematikoa / From Wikipedia, the free encyclopedia
Genozidioa gizatalde baten suntsiketa sistematiko eta berariazkoa da, erlijio-, arraza- edo politika-arrazoiengatik egiten dena.[1] 1948an, Nazio Batuen Genozidioaren Konbentzioak honela definitu zuen genozidioa: «talde nazional, etniko, arrazazko edo erlijioso bat erabat edo partzialki suntsitzeko asmoz egindako bost ekintzetako edozein». Bost ekintza hauek ziren: taldeko kideak hiltzea, kalte fisiko edo mental larriak eragitea, taldea suntsitzeko helburua zuten bizi-baldintzak ezartzea, jaiotzak eragoztea eta haurrak taldetik kanpo indarrez eramatea. Biktimak talde bateko kide direlako aukeratzen dira, ez zoriz.[2][3][4]
![Thumb image](http://upload.wikimedia.org/wikipedia/commons/thumb/0/07/Srebrenica_massacre_memorial_gravestones_2009_1.jpg/640px-Srebrenica_massacre_memorial_gravestones_2009_1.jpg)
Ezegonkortasun Politikoari buruzko Lan Taldearen ustez, 1956 eta 2016 artean 43 genozidio gertatu ziren, eta 50 milioi heriotza inguru eragin zituzten[5]. Iheslarientzako Nazio Batuen Goi Mandataritzak kalkulatu zuen beste 50 milioi lekuz aldatu zituztela indarkeria-aldi horiek 2008ra arte. Genozidioa, bereziki genozidioa eskala handian, giza gaiztakeriaren epitomea da[6][7][8]. Etiketa gisa, polemikoa da, moralizatzailea delako[9], eta kategoria moral gisa erabili da 1990eko hamarkadaren amaieratik[10].