François Michel Le Tellier de Louvois

François Michel Le Tellier (Paris, 1641eko urtarrilaren 18a - Versailles, 1691ko uztailaren 16a), Louvoisko markesa, frantziar politikari eta estatugizona izan zen. Ministerio ezberdinetan aritu zen Luis XIV.a Frantziakoaren erregealdian. Gerrako estatu idazkaria izan zen 1662-1691 bitartean.

François Michel Le Tellier de Louvois
Irudi gehiago
Frantziako ministro nagusia 1683ko irailaren 7a - 1691ko uztailaren 16a Minister for the Maison du Roi (en) 1683 - 1691 ← Jean-Baptiste Colbert - Louis II Phélypeaux de Pontchartrain (en) → Surintendant des Bâtiments (en) 1683 - 1691 Secretary of State for War (en) 1677ko urriaren 27a - 1691ko uztailaren 15a ← Michel Le Tellier - Louis François Marie Le Tellier (en) → Kanpo Arazoetako Estatu idazkaria 1671ko iraila - 1672ko urtarrila ← Hugues de Lionne (mul) - Simon Arnauld de Pomponne (mul) →
Bizitza
Jaiotza	Paris, 1641eko urtarrilaren 18a
Herrialdea	Frantzia
Heriotza	Versailles, 1691ko uztailaren 16a (50 urte)
Heriotza modua	berezko heriotza: istripu zerebrobaskularra
Familia
Aita	Michel Le Tellier
Ama	Elisabeth Turpin de Vauvredin
Ezkontidea(k)	Anne de Souvré (en)
Seme-alabak	ikusi Louis-Nicolas Le Tellier de Souvré (en) Louis François Marie Le Tellier (en) Camille Le Tellier (en) Madeleine Charlotte Le Tellier (en) Michel Courtenvau le Tellier (en)
Hezkuntza
Hizkuntzak	frantsesa
Jarduerak
Jarduerak	politikaria
Lantokia(k)	Versailles
Jasotako sariak	ikusi Officer of the Order of the Holy Spirit San Migelen ordenako zalduna

Bizitza

Michel Le Tellierren semea zen, eta harekin ibili zen gaztetan. 15 urte baino ez zituelarik, Gerrako estatu idazkari izendatu zuten, kargua 1677 arte bete ez bazuen ere. 1672an, Estatu ministro kargua hartu zuen, eta Errege Kontseiluan sartu zen. Gerrako estatu idazkari bilakaturik, erreforma handiak egin zituen, herrialdeetako milizia berezien antolamendua besteren artean. Jean-Baptiste Colberten aurkaria izan zen, eta haren kontrako azpijokoetan parte hartu zuen. Garrantzi handiko kanpaina militarrak gidatu zituen: Alemaniako Palatinatuaren suntsipena (1679), Genovako bonbardaketa (1684) eta dragonnades edo protestanteen aurkako sarraskiak (1685). 1683an, Eraikuntza, Arte eta Eskulangintza superintendente postua lortu zuen, eta Versaillesko jauregiaren eraikuntza lanak zuzendu zituen. 1691n hil zen, erregeren uste ona galtzekotan zegoela, etsai asko baitzituen.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2018/1/14 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: François Michel Le Tellier de Louvois

• Datuak: Q441378
• Multimedia: François Michel Le Tellier de Louvois / Q441378