From Wikipedia, the free encyclopedia
Europaren bahiketa Jacob Jordaens (1593-1678) margolariak 1643an egin zuen margolan ospetsua da. Gaia beste egileek garaian landu zuten, esaterako Rembrandt eta Tiziano margolariek. Gaia aitzakia da emakumeen gorputzen izaera eta erotismoa gogora ekartzeko, naturarekin harmonian. Jordaensen lana Lilleko Arte Ederren Jauregian museoan gordetzen da.[1]
Europaren bahiketa (Jordaens) | |
---|---|
Jatorria | |
Sortzailea(k) | Jacob Jordaens |
Sorrera-urtea | 1643 |
Izenburua | Abduction of Europa |
Mugimendua | Flemish Baroque painting (en) |
Ezaugarriak | |
Materiala(k) | olio-pintura eta Margo-oihala |
Dimentsioak | 172 () × 190 () cm |
Genero artistikoa | margolaritza mitologikoa eta biluzia |
Egile-eskubideak | jabetza publiko |
Deskribapena | |
Oinarritua | Greziar mitologia Europaren bortxaketa |
Iconclass | 31A54, 92B12181, 9, 47I2112 eta 12B13 |
Kokapena | |
Lekua | Palais des Beaux-Arts de Lille (en) |
Bilduma | Palais des Beaux-Arts de Lille (en) |
Inbentarioa | P 76 |
Argumentu nagusia | Europaren bortxaketa |
Europari buruzko bi mito daude greziar mitologian. Baten arabera, Zeus jainkoak, zezen bihurturik, Europa limurtu zuen, eta Kretara eraman; orduan, Zeusek bere jainkotasuna azaldu zion, eta Europa Kretako lehenengo erregina bilakatu zen. Beste mito baten arabera (Herodoto Halikarnasokoaren arabera), berriz, minostarrek bahitu eta Kretara eraman zuten.
Koadroak Europa irudikatzen du pastoral eszena batean. Koadroaren ezkerraldean ninfa deskribatzen da, bere zerbitzari biluziez inguraturik, eta Jupiter, zezen zuri baten itxuraz, jasotzeko prestatzen ari da. Emakumea zezenaren bizkarrera igotzera doa; animalia eztiki etzanda dago. Koadroaren eskuinaldean, idi eta behi talde bat dago, Merkurioren gidaritzapean, bizkarrez ikusita; Merkuriok bere kaduzeo darama eta lehen planoan txahal bat duela. Kupidok Zeusen presentzia gogoratzen du; Kupido arrano baten gainean eserita dago, jainkoaren atributua, eta margolanaren goi aldean dago, zuhaitzen adaburuaren gainetik.
Jordaensek (bere aurretik Tizianok bezala) pasarte mitologiko hau interpretatzen du, izaera zoragarria alde batera utziz eta pastoral eszenaren irudi baketsua emanez. Europako ikaskideetako batek ere ez dio arretarik jartzen eszenari, eta beren jolasekin eta zereginekin jarraitzen dute. Jordaens Ovidioren Metamorfosiaren (II, 835-837) irakurketa bukolikoan oinarritu zen lan hau egiteko.
Lan honek aurrekari bat izan zuen, izenburu berekoa, baina askoz erotikoagoa. Margolan hori Berlingo Gemäldegalerien erakusten da.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.