Diploide
Eukariotoetan, bi kromosoma-sorta, eta beraz bi gene-sorta, dituen izaki, organismo, fase edo zelula. 2n laburduraz adierazten da, n izanik espeziearen gametoen kromosoma kopurua. Espezie bakoitzak bere 'n' propioa du. / From Wikipedia, the free encyclopedia
Zelula diploideak (2n) kromosoma bakoitzaren bi kopia dituztenak dira. Zelula haploideak (n), aldiz, kromosoma bakoitzaren kopia bakarra dute (gametoak, adibidez).
![Thumb image](http://upload.wikimedia.org/wikipedia/commons/thumb/9/99/Haploid_vs_diploid.svg/640px-Haploid_vs_diploid.svg.png)
Gizakiaren zelula somatikoek 46 kromosoma dituzte, 23 bikoteetan (23 x 2) agertuak. Hori da haien zenbaki diploidea. Meiosian sortutako gametoek kopuru horren erdia dute, 23, prozesu meiotikoan kromosomek haien bikotea galtzen dutelako.
Orokorrean, izaki diploideek karaktere edo ezaugarri bakoitzarentzat bi gene (alelo) dituzte, bana kromosoma-bikotean. Bi alelo berdinak direnean izakia homozigotoa da, eta desberdinak direnean heterozigotoa.
Bizidun eukariotoen zelula gehienak diploideak dira. Horrek babesten die hautespen naturalaren aurrean, material genetikoan sortzen diren akatsak ez baitira beti fenotipoan agertzen (kromosomaren bigarren kopiari esker).