![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/5/5d/David_Azurza_2013.jpg/640px-David_Azurza_2013.jpg&w=640&q=50)
David Azurza
From Wikipedia, the free encyclopedia
David Azurza Aranburu (Tolosa, Gipuzkoa, 1968ko urriaren 12a - ) euskal herritar abeslaria eta musikagilea da. Arte Ederretan lizentziatua da eta kontratenor ikasketak Isabel Álvarezekin egin zituen. Madrilgo Goi Mailako Kontserbatorioan kantuko Lucrecia Arana saria jaso zuen.
David Azurza | |
---|---|
![]() | |
Bizitza | |
Jaiotza | Tolosa, 1968ko urriaren 12a (55 urte) |
Herrialdea | ![]() |
Hezkuntza | |
Hizkuntzak | gaztelania |
Jarduerak | |
Jarduerak | musikagilea eta abeslaria |
Ahots mota | kontratenorra |
Capilla Peñaflorida (antzinako musikan espezializatuak) eta KEA (musika garaikidea) taldeetako kide da. Abesbatza, talde instrumental eta orkestrekin kolaborazioak egin ditu, Euskal Herrian eta atzerrian. Zenbait operen estreinaldi absolutu eta grabaziotan protagonista paperak izan ditu: Tomas Marcorena (2003), Mauricio Sotelorena (2006), Eduardo Pérez Masedarena (2006), José María Sánchez Verdúrena (2007), Luis de Pablorena (2010), Pilar Juradorena (2011) eta Juan José Eslavarena (2011). Bere kabuz ikasi duen konpositorea da, ahotsetarako musikara mugatzen da bere lana gehien bat. Bere obrak ezagutzera emateko 2004 urtean Oihu hau argitaletxea sortu zuen, 100dik gora obra editatu dituelarik: korurako moldaketak, bere konposizioak, hiru ipuin musikal eta ganberarako opera bat (Altzoko Haundia, txikien opera, 2011).