Clydebank
From Wikipedia, the free encyclopedia
From Wikipedia, the free encyclopedia
Clydebank (Eskoziako gaeleraz: Bruach Chluaidh, eskozieraz: Clidbaunk), Eskozia mendebaldeko udalerria da, Mendebaldeko Dunbartonshiren dagoena. Glasgow hiriaren mugan kokaturik dagoenez Glasgow Handiaren parte da.
| Clydebank Bruach Chluaidh Clidbaunk | |
|---|---|
 Eskozia | |
 | |
| Administrazioa | |
| Estatu burujabe |  Erresuma Batua |
| Herrialdea | Eskozia |
| Eskoziako kontseilu gunea | Mendebaldeko Dunbartonshire |
| Geografia | |
| Koordenatuak | 55°53′59″N 4°24′02″W |
 | |
| Demografia | |
| Biztanleria | 26.320 (2016) |
| Informazio gehigarria | |
| Ordu eremua | UTC±00:00 |
| Hiri senidetuak | Argenteuil |
2011ko erroldaren arabera 28.799 biztanle ditu baina inguruko herriak hartuta 45.000ko langa pasatzen du.
Antoninoren Harresia bertatik pasatzen zen eta erromatarren gotorleku bat ere izan zen bertan.
XIX menderarte ordea nekazal eremua baino ez zen, asentamendu eta granja txiki batzuk baino ez zituena. Nekazaritza nagusi izan arren meategi familiar batzuk, kotoi errotak eta ontziola txikiren bat ere bazen.
1870an Glasgowko industria eta merkataritza Clyde ibaia erabiltzen hasi zen eta merkatal itsasontziendako kaiak eraiki ziren Clyde ibaiaren ertzetan, bai eta ontziola handiak ere, lehenengoa Clyde Bank izenekoa ("Clyeden ertza"). Honek langile ugari ekarri zituen eta egoera hau areagiotu egin zen 1882an trenbidea iritsi zenean. 1886an polizia burgoa eratzea eskatu zuten eta honekin herri berria eratu zen, guztia sortarazi zuen Clyde Bank untziolaren izena hartu zuena.
Etorritako langileek indar haundia hartu zuten eta Eskoziako mugimendu sozialistaren erdiguneetako bat bilakatu zen Clydebank. Singer josteko makinen lantegian 11.000 langile zebiltzan eta protesta egin zuten 12 langile emakumeri alkartasuna erakusteko greba sonatua egin zuten. Greba bukatu zenean enpresak 400 langile kaleratu zituen, horien artean Arthur McManus, gerora Eskoziako alderdi komunistaren buruzagi izango zena.
1941eko martxoaren 13 eta 14an nazien hegazkinek hiria bonbakatu zuten ontziolak suntsitzeko asmoz. 528 pertsona hil ziren eta 617 zauritu.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
