From Wikipedia, the free encyclopedia
Chlodwig Carl Viktor, Hohenlohe-Schillingsfürsteko printzea, Ratibor eta Corveyko printzea (Rotenburg an der Fulda, 1819ko martxoaren 31 – Bad Ragaz, 1901eko uztailaren 6a) alemaniar printze, politikari eta diplomazialaria izan zen. Alemaniako kantzilerra izan zen 1894tik 1900era.
Hohenlohe printze-familiako kidea izan zen. Katolikoa eta ideologia liberalekoa, Bavariako Ministro-Presidentea izan zen 1866tik 1870era. Bere zeregin nagusia hegoaldeko estatu alemaniarrak Iparraldeko Alemaniar Konfederazioarekin lotzeko modua aurkitzea izan zen.
Boteretik irten ondoren, Berlinen eta Munichen bere eragina mantentzen jarraitu zuen. 1871n Reichstageko kide hautatu zuten eta presidenteorde izendatu zuten. Bismarcken Kulturkampf babestu zuen eta Parisen enbaxadore izan zen 1873tik 1880ra. 1885ean Alsazia-Lorrenako gobernadore izendatu zuten.
Gilen II.a enperadoreak 1894an Alemaniako kantziler eta Prusiako Ministro-Presidente izendatu zuen. Bere agintaldian Gilen II.ak botere inperiala handitzeko saiakerei aurre egin zien eta lege militarraren eta elkarteen legearen erreforma onartzea lortu zuen.
Hohenlohe-Schillingsfürsteko 7. printzea izan zen.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.