![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/90/Beta-lactamase_Citrobacter_3BFC.png/640px-Beta-lactamase_Citrobacter_3BFC.png&w=640&q=50)
Beta-laktamasa
Penizilina degradatzen duen entzima, hainbat bakteriok babes-mekanismo moduan garatu dutena / From Wikipedia, the free encyclopedia
Beta-laktamasak (β-laktamasak) bakterio batzuek ekoizten dituzten entzimak dira, hainbat antibiotikoren aurrean (penizilina eta zefalosporinak, besteak beste) bakterio horiei erresistentzia ematen dietenak.
Beta-laktamasa | |
---|---|
![]() | |
Formula kimikoa | NA |
Mota | amidohydrolases (en) ![]() ![]() |
Eragin dezake | beta-lactam resistance (en) ![]() |
Identifikatzaileak | |
CAS zenbakia | 9073-60-3 |
EC zenbakia | 232-970-8 |
ECHA | 100.029.961 |
MeSH | D001618 |
Beta-laktamasean aurrean sentikorrak diren antibiotiko guztiek (antibiotiko betalaktamikoek) ezaugarri bat partekatzen dute: beren molekulan eraztun betalaktamikoa dute, hiru karbono atomo eta nitrogeno bat dituena. Eraztun kimiko hori da, hain zuzen, beta-laktamasek puskatzen dutena.
Bakterio Gram negatiboek (batik bat) eta Gram positibo batzuek ekoizten dituzte entzima hauek.
Beta-laktamasa asko daude, 200 baino gehiago [1]. Penizilinaren aurka jarduten dutenei penizilasa deritze, eta identifikatu ziren lehenengo beta-laktamasak izan ziren.
Beheko irudiak beta-laktamasen jarduera hidrolitikoa penizilinaren gainean zehazten du:
![Penizilinaren hidrolisi mekanismoa beta-laktamasen bidez](http://upload.wikimedia.org/wikipedia/commons/thumb/c/ca/Lactamase_Application_V.1.svg/640px-Lactamase_Application_V.1.svg.png)
Antibiotiko beta-laktamikoek bakterioen zelula-hormaren sortze prozesua prozesua inhibitzen dute, zelula-horma horren peptidoglikanoaren sintesia blokeatzen dutelako. Beta-laktamasek ekoizten dituzten bakterio batzuek entzima horiek ekoiztu ondoren kanporatzen dituzte, horrela antibiotikoa neutralizatzen dute honek jardun ahal izan baino lehen. Beste batzuek, aldiz (Gram negatiboek, bereziki) ez dituzte beta-laktamasak kanporatzen, eta entzima horiek bakterioaren espazio periplasmikoan jarduten dute [2].
Beta-laktamasak kodetzen dituzten geneak bakterioaren kromosoman egon daitezke, plasmido batean edo transposoietan.
Asko dira beta-laktamasak sortzen dituzten bakterioak, Gram negatiboak zein Gram positiboak. Lehenengo taldean, enterobakterio batzuk daude, Pseudomonas aeruginosa eta Haemophilus influenzae, besteak beste. Bigarren taldean, Staphylococcus aureus eta Acinetobacter baumannii, esaterako.