Arnas aparatuaren enbrioi garapena
From Wikipedia, the free encyclopedia
Arnas aparatuaren garapena enbrioiaren 22. egunean hasten da aurreko hestetik hodi laringeotrakeala izeneko hastapena garatzean faringe hesteko mugaren sabel edo bentraldean. Hau dela eta, hesteak bezalaxe endodermoan izango du jatorria, guztiz heltzean arnas aparatuko endodermozko atal bakarra arnas epitelioa izango bada ere. Arnas bideetako beste osagaiak (kartilaginotsua, muskularra eta konektiboa) errai mesodermiko edo esplaknikotik garatuko diren bitartean.