From Wikipedia, the free encyclopedia
Arkansas Ameriketako Estatu Batuetako hego-erdialdeko estatua da. 137.733 km2 ditu, eta 2,9 milioi biztanle zituen 2010eko erroldan. Estatuko hiriburua eta hiri nagusia Little Rock da.
Behe Mississippiren arroan, Arkansas ibaiadarrak zeharkatzen du ipar-mendebaldetik hego-ekialdera. Mississippi ibaiaren uholde-zabaldiak hartzen ditu estatuko ekialde eta hegoaldea. Mendebaldea eta iparraldea menditsuak dira (Ozark mendiak, Ouachita mendiak).
Espainiarrek esploratu ondoren, Arkansas Louisiana frantsesaren parte izan zen. 1803. urtean Ameriketako Estatu Batuen mendera igaro zen, eta 1836an estatu federal bihurtu zen.
Hegoaldekoekin lerratua 1861ean (Ameriketako Estatu Batuetako Gerra Zibila), 1868an, berriz, Estatu Batuetako estatu bihurtu zen.
Orval Faubus bertako gobernadoreak eskolari zegokionez bultzaturiko politika arrazistak (zuriak eta beltzak eskola bereizitan banatuak) tirabirak sortu zituen Arkansasko biztanleria zuriaren eta aginpide federalaren artean (1957-1959).
Nekazari herria da gehienbat (soja, kotoia, arroza); meatzeak ere garrantzitsuak dira: petrolioa, gas naturala eta, batez ere, bauxita. Industria guztiz berria da.
![]() |
Artikulu hau Ameriketako Estatu Batuetako geografiari buruzko zirriborroa da. Wikipedia lagun dezakezu edukia osatuz. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.