![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/c7/478px-Pluie_de_chats.jpg/640px-478px-Pluie_de_chats.jpg&w=640&q=50)
Animalia-euri
From Wikipedia, the free encyclopedia
Animalia-euria ohiz kanpoko fenomeno meteorologiko bat da. Zerutik hainbat animalia —orokorrean espezie bakar batekoak— erortzean datza. Prezipitazio atipiko honekin euri arrunta ere egin dezake. Fenomeno hau historian zehar herrialde askotan gertatu da. Testigantza asko erregistratu dira herrialde eta garai desberdinetan, eta askotariko kondaira eta eztabaidak sorrarazi dituzte.
![Thumb image](http://upload.wikimedia.org/wikipedia/commons/thumb/c/c7/478px-Pluie_de_chats.jpg/320px-478px-Pluie_de_chats.jpg)
Maiz euri horiek arrainek edo igelek osatzen dituzte, nahiz eta istorio batzuek hegazti espezieak ere aipatzen dituzten. Batzuetan hain gogorrak dira euriak, non animaliak triskatuta geratzen diren lurrean. Batzuetan kolpea eta gero bizirik jarraitzen dute, batez ere arrainek, eta horrek pentsarazten du lurra uztearen eta erorketaren arteko epea motz samarra izan dela. Igel-euriak deskribatzen dituzten testigantza batzuen arabera, igelek ez zuten zauririk ageri erori ondoren. Batzuetan animaliak guztiz izoztuta erortzen dira edo izotzezko blokeetan harrapatuta daude, eta horrek frogatzen du tenperatura 0 °C azpikoa zen altueretatik eroriak direla.