Alexander Tansman
From Wikipedia, the free encyclopedia
From Wikipedia, the free encyclopedia
Alexander Tansman (Łódź, Polonia, 1897ko ekainaren 12a - Paris, 1986ko azaroaren 15a) frantses musikagilea izan zen, orkestra-zuzendaria eta piano-jotzailea, jatorriz poloniarra. Garrantzi handiko lana egin zuen musika politonalaren teknikaren sorreran. Ikasketak Varsoviako Unibertsitatean egin zituen. Poloniako konposizioko lehenengo eta bigarren sariak eman zizkioten. Parisa joan zen bizitzera, eta bertako musika-giroan sartu zen berehala. 1937an frantses hiritartasuna hartu zuen. Bigarren Mundu Gerran Estatu Batuetan bizi izan zen, eta 1946an Frantziara itzuli zen. Piano-jotzaile eta orkestra-zuzendari gisa hainbat bira egin zituen Austria, Japonia eta Estatu Batuetan zehar. Lehenengo lanetan intimitate-sakontasuna nabarmena bada ere, Parisa joan zenetik, era sinfonikoa hautatu zuen, eta neoklasizismoaren eragin nabarmena izan zuen. Europako musika-giroarekin harremana izan zuen garaian, Stravinskiren estetika modan zegoen. Azken musikagile horri jarraituz, zenbait lan egin zituen, hala nola, Sinfonia do minorren. Ravelen eragina ere antzematen da Tansmanen lanetan. Bere lanetan dantzarik ez dago, baina erritmo hirutarra behin eta berriro agertzen da; hala gertatzen da, esate baterako, Hogei pieza erraz poloniar herri-melodiaz. Herri-erritmoak ere erabili zituen Sonatina txirularako, Bost inpromptusak eta Bigarren laukotea lanetan. Lan ugari egin zituen Tansmanek, besteak bete, zazpi sinfonia, zazpi opera (Gau kurdua, 1925-1927) eta balletak (Hiri handia, 1932).
Alexander Tansman | |
---|---|
![]() | |
Bizitza | |
Jaiotza | Łódź, 1897ko ekainaren 12a |
Herrialdea | ![]() ![]() |
Heriotza | Parisko 16. barrutia, 1986ko azaroaren 15a (89 urte) |
Hobiratze lekua | Cimetière Sud de Saint-Mandé (en) ![]() |
Hezkuntza | |
Heziketa | Varsoviako Unibertsitatea Chopin University of Music (en) ![]() |
Hizkuntzak | frantsesa poloniera |
Jarduerak | |
Jarduerak | orkestra zuzendaria, musikagilea, piano-jotzailea eta soinu banda konpositorea |
Jasotako sariak | |
Kidetza | Royal Academy of Science, Letters and Fine Arts of Belgium (en) ![]() Union of Polish Composers (en) ![]() |
Mugimendua | musika klasikoa |
Genero artistikoa | opera sinfonia |
Musika instrumentua | pianoa |
Diskoetxea | Naxos (en) ![]() Chandos Records (en) ![]() |
Sinesmenak eta ideologia | |
Erlijioa | judaismoa |
tansman.lodz.pl | |
![]() ![]() ![]() ![]() ![]() ![]() ![]() ![]() ![]() |
![]() |
Wikimedia Commonsen badira fitxategi gehiago, gai hau dutenak: Alexander Tansman ![]() |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.