From Wikipedia, the free encyclopedia
Aglutinazioa antigorputzek zelula baten antigenoekin topo egiten dutenean sortzen den erreakzio immunologikoa da. Antigorputzek zelula horien pilaketa eta bilketa eragiten dute zelularen antigenoekin erreakzionatzerakoan, begi-bistan dauden pikorrak agertuz. Pilaketa horri esker leukozitoek haien lana errazago burutzen dute zelula arrotzak suntsitzeko.
Antigorputzekin harremanetan jartzen direnean aglutinatzen duten zelulak bakterio edo beste mikrobio batzuk izan daitezke, baina baita eritrozitoak ere (eritrozitoen aglutinazioari hemaglutinazio deritzo). Hemaglutinazioa, besteak beste, odol talde desberdinak (A, B, O) daudelako gertatzen da, hots, antigeno desberdinak daudelako eritrozitoen gainazaletan.
Aglutinazio-erreakzioak laborategian usu erabiltzen dira antigenoak edo antigorputzak hauteman ahal izateko. Esaterako, bakterioak edo birusak identifikatzeko antigorputz jakin batzuk erabiliz; edo pertsona batek gaixotasun infekzioso bat duen ala ez jakiteko antigeno mikrobiar batzuk usatuz (pertsonak gaixotasuna badu, mikrobio patogenoaren aurkako antigorputzak izango ditu odolean). Era berean, odol taldeak eta Rh faktorea ere aglutinazio-erreakzioen bidez ezagutu ahal dira.
Aglutinazio-erreakzioa immunoanalisi merke, espezifiko eta azkarra da; horregatik test klinikoetan sarri erabiltzen da.
Datuak: Q393294Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
