Bludenz estas urba komunumo de la respubliko Aŭstrio. Ĝi situas en la federacia lando Vorarlbergo, en la pleja okcidento de la respublika teritorio, kaj estas la administra centro de samnoma distrikto. La urba areo konsistas el 29,94 kvadrataj kilometroj, kaj laŭ la stato de januaro 2013 en ĝi vivis 13858 homoj, kio signifas loĝdenson de 463 homoj/km². Bludenz situas 50 kilometrojn sude de la orienta parto de la Bodenlago, kaj proksimas al la limo al Liĥtenŝtejno okcidente kaj la svisa kantono Grizono sude: la rekta distanco al ambaŭ limoj estus nur proksimume 15 kilometroj, sed pro la tre montara tereno nek piedire nek per tera trafikilo eblus preni tiun plej rektan vojon.