Zein-o-din (karavanejo)

La Zein-o-Din Karavanejo (زين الدين) troviĝas en Zein-o-din, Yazd, Irano, en iu dezerta loko ĉirkaŭita de montaro. La karavanejo datiĝas el la 16-a jarcento kaj troviĝis sur la antikva Silka Vojo kiu estis ĝis 1500 la ĉefa komerca vojo inter Eŭropo kaj Azio. Aŭtovojo al Yazd trapasas en Zein-o-din. En pli fruaj jarcentoj, Zein-o-din atingeblis nur post dutaga kamelrajdado de la sudo de Yazd, ĉirkaŭ 60 kilometroj (37 mi) sur la ĉefa vojo al Kerman^{[1] [2]}.

Zein-o-din
karavanejo kultura havaĵo
Bazaj datoj
Konstrustilo	Safavid architecture vd
Malfermo	16-a jarcento
Lando	Irano vd
Situo	Mehriz County
Situo
Geografia situo	31° 24′ 42″ N, 54° 42′ 25″ O (mapo)31.41177777777854.706888888889
Zein-o-din (Irano) DEC Situo de Zein-o-din
Zein-o-din
v • d • r

Karavanejo Zein-o-din, Yazd, Irano

La karavanejo estas unu el la siatempe 999 tiaj gastejoj kiuj estis konstruitaj dum la regado de Ŝaho Abbas la 1-a por povi oferti gastigadon al vojaĝantaj komercistoj, iliaj helpantoj kaj ŝarĝitaj kameloj. Zein-o-Din estas unu el du karavanejoj kiuj estis konstruitaj kun rondaj turoj ĉirkaŭe.

Post trijara renovigo la karavanejo Zein-o-Din aspektas kvazaŭ kiel en sia origina stato^[3]. Nun ĝi funkcias kiel fascina kaj etosa gastigejo. Nur du de la iamaj konstruitaj karavanejoj posedis rondajn turojn je ĉiu angulo (vidu en fotogalerio)^[4]. Unu el tiuj du estas la Zein-o-din karavanejo. De la alia, situante proksime de Esfahan, restas nur ruinoj.

Arkitektura turismo

La kvadratforma karavanejo havas nur unu enirejon kaj etaĝan strukturon ĉirkaŭ korto, havante akvofonton kaj murigitan eksteron. La ĉambroj situas sur etaĝo en kiuj kuŝas nur matracoj kaj surmuraj kaj surplankaj tapiŝoj. Neniu pordo apartigas la ĉambrojn de la koridoro. Nur dikaj kurtenoj provizas privatecon al la loĝantoj^[5]. La banĉambroj estas komunaj kaj estas puraj^[1]. La personaro de la karavaneja hotelo scipovas la persan, turkan, rusan, hispanan, anglan kaj germanan^[6] kaj akceptus ĉiutage ĉirkaŭ 60 ĝis 80 turistojn venante el dekoj da lando^[4]j. Ĉar la karavanejo troviĝas for de la urbo, la brua nivelo estas minimuma kaj la steloj je la ĉielo bone videblas nokte.

• Fotogalerio
• 
  Rondaj turoj ĉirkaŭ la karavanejo
• 
  Karavanejo Zein-o-din, Yazd, Irano
• 
  Etaĝa konstruado
• 
  La interna korto nokte
• 
  Koridoro kun senpordaj ĉambroj.
• 
  Ŝtuparo al la etaĝoj
• 
  Belega kaj fascina arkitekturo
• 
  Unu el la ĉambroj

Vidu ankaŭ

• Karavanejo
• Irano

Notoj kaj referencoj

1. (angla) Iran, Andrew Burke, Virginia Maxwell & Iain Shearer, Lonely Planet, 2012, p. 456,
2. (angla) "Iran revives ancient caravanserai"(Irano revivigas antikvajn karavanejoj), CCTV.com, la 27-an de januaro 2010, alirita la 9-an de januaro 2017.
3. (angla) "North and central Asia"(Norda kaj centra Azio), Docstoc.com. pp. 43, 62.
4. (nederlanda) Overnachten in een caravanserai (tranokti en karavanejo), Columbus Travel, la 29-a de aprilo 2015, alirita la 9-an de januaro 2017.
5. (angla) Iranian Odyssey Arkivigite je 2016-03-03 per la retarkivo Wayback Machine (Irana odiseo), marto 2011, Alirita la 9-an de januaro 2017.
6. (angla) Zein-o-Din Traditional Caravanserai Yazd Arkivigite je 2018-01-10 per la retarkivo Wayback Machine

• Kategorio Zein-o-din (karavanejo) en la Vikimedia Komunejo (Multrimedaj datumoj)