Veterana Esperantista Klubo

Veterana Esperantista Klubo (VEK) estas Esperanto-klubo, kies membroj ĉiuj estas minimume dum kvardek jaroj esperantistoj. Ĝi estis fondita en 1949 (vd. Maurice Lewin).

Membro kun minimume kvindekjara esperantisteco nomiĝas jubileano kaj la membro, kiu esperantistiĝis plej frue, estas la dojeno de VEK.

Celoj

VEK pasivas jam de pluraj jaroj. Pro tio oni decidis, provi reaktivigi ĝin kun novaj, utilaj celoj: krei arkivon de homoj, kies profundaj spertoj pri la lingvo kaj la movado povas esti utilaj por doni informojn kaj konsilojn al la nunaj gvidantoj de la movado kaj ties historiistoj.

VEK-kunsido dum VK-4

Dum la 4-a Virtuala Kongreso de Esperanto, en la 26a de novembro okazis vidbabileja kunsido gvidita de Dennis Keefe por revivigi VEK-on. En la kunsido partoprenis 25 jubileanoj kaj estis decidite, ke okazu ĉiumonata virtuala kunsido probable la unuan lundon de ĉiu monato ekde la 15:00 UTC - anoncoj aperos en la Eventa Servo de UEA.

Eksteraj ligiloj

• Retpaĝo pri VEK kiel faka asocio kunlaboranta kun UEA

Ĉi tiu artikolo ankoraŭ estas ĝermo pri Esperanto. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).