From Wikipedia, the free encyclopedia
Tierra de Alba (Tero de Alba) estas unu de la dek du naturaj komarkoj (comarcas naturales, naturaj areoj) de la provinco Zamoro, Kastilio kaj Leono, Hispanio. Ĝi estas en la centro de la provinco.
Ĝi havas totalan loĝantaron de 1 712 personoj. La tradicia komarka ĉefurbo estas Carbajales de Alba. Ekde la mezo de la 19-a jarcento kaj ĉefe ekde la mezo de la 20-a jarcento okazis forta fenomeno de senloĝigo kun perdo de multaj loĝantoj pro elmigro al urbaj areoj, kio rezultis en tra malmulte loĝataj kaj multe maljuniĝintaj vilaĝoj, kaj en kelkaj okazoj en la kompleta senloĝigo de kelkaj.
Historie la komarko apartenis al la Regno Leono kaj suferis pro la militoj kontraŭ Portugalio. En la 13-a kaj 14-a la komarko apartenis al la Templanoj. La limoj estas markataj plejparte de naturaj elementoj, nome la riveroj Esla oriente, kaj Doŭro sude. Norde limas kun la komarko Tierra de Tábara kaj okcidente kun Aliste, formante kun tiuj du komarkoj la zonon de Aliste-Tábara-Alba. Ĝi estas formata de 25 loĝlokoj.
Tiu komarko, spite sia granda sento de identeco, kun similaj geografiaj, ekonomiaj, sociaj kaj historiaj trajtoj, ne disponas de la necesa jura rekono por sia administracia disvolviĝo, kio kondukis la koncernajn municipojn al organizado en municiparoj (mancomunidades), kiel nura jura formulo kiu ebligas al ili la plenumon de la administrado de kelkaj publikaj municipaj servoj.
Temas pri areo tre ligita al tradicia agrikulturo kaj brutobredado de vivtenado, kun konservo de tre forta heredo antropologia.
Municipo | Areo | Loĝantoj | Duarangaj lojĝlokoj |
---|---|---|---|
Carbajales de Alba | 53,4 | 634 | |
Losacino | 44,10 | 249 | Castillo de Alba, Muga de Alba kaj Vide de Alba |
Losacio | 21,8 | 125 | |
Manzanal del Barco | 12,41 | 155 | |
Olmillos de Castro | 71,39 | 281 | Marquiz de Alba, Navianos de Alba kaj San Martín de Tábara |
Perilla de Castro | 33,11 | 189 | |
Santa Eufemia del Barco | 52,18 | 218 | Losilla kaj San Pedro de las Cuevas |
Vegalatrave | 18,57 | 114 | |
Ĉefa enspezofonto estas nuntempe nutraĵa industrio el tradicia agrikulturo kaj brutobredado kaj ĉefe rura turismo: naturaj pejzaĝoj.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.