SZILVA Szabolcs estas hungara esperantisto, lingvoinstruisto kaj tradukisto loĝanta en Varsovio, Pollando.
| Szabolcs Szilva | |
|---|---|
| Persona informo | |
| Lingvoj | Esperanto |
| Ŝtataneco | Pollando  |
| Okupo | |
| Okupo | esperantisto |
Szilva eklernis Esperanton en 2007 kaj ekde 2009 partoprenas en Esperanto-aranĝoj. Li partoprenis Instruistan Trejnadon en Poznano kaj estas membro de la Internacia Rajtigita Ekzamenantaro de Internacia Ligo de Esperantistaj Instruistoj.[1] Interalie li plurfoje instruis en Somera Esperanto-Studado. En 2012 kaj 2013 li redaktis la rubrikon TEJO Tutmonde de la internacia magazino Kontakto.
De 2009 ĝis 2013 li studis turisman ekonomion en la Altlernejo János Kodolányi en Székesfehérvár; lia diplomlaboraĵo temis pri Esperanto-turismo. Poste li ĝis 2015 studis finnugristikon en la Universitato de Varsovio kaj magistriĝis. Sekvis doktoraj studoj pri finnugristiko en Varsovio. Krome de 2011 ĝis 2014 li partoprenis Interlingvistikajn Studojn en la Universitato Adam Mickiewicz en Poznano.
Szabolcs Szilva ekde 2015 gvidas propran firmaeton Lingve en Varsovio. Tie li laboras kiel instruisto de Esperanto kaj de la pola kaj hungara lingvoj, krome li estas tradukisto por la menciitaj lingvoj.
Eksteraj ligiloj
- Retejo de Lingve
- EsKu 64 - Szabolcs Szilva, jutuba filmeto aperinta 2024-11-22 (esperante)
Referencoj
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
