Slovjansko (ukraine Словянськ, ruse Славянск) estas urbo en la Donecka provinco de Ukrainio, en Donecka Baseno. En 2001 la populacio de Slovjansko estis 141 066. Plejparte pro la daŭranta milito en Donbaso, komence de 2022 tio malpliiĝis al 105 141[1] Sekvante la rusan invadon de Ukrainio en 2022, la populacio de la grandurbo malpliiĝis rimarkeble, al proksimume 24 000 antaŭ julio 2022, laŭ ukrainaj aŭtoritatoj. En aprilo 2023, la usona gazeto The Financial Times taksis la populacion esti ekrenormaliĝinta al iom pli ol 40 000, tamen signife pli ol duono de la urbanoj ankoraŭ estas rifuĝinta for de la regiono aŭ eventuale ankaŭ estas intertempe morta.
| Slovjansko | |||||
|---|---|---|---|---|---|
 | |||||
| urbo en Ukrainio vd | |||||
|
|
| ||||
| Flago | Blazono | ||||
| Administrado | |||||
| Ŝtato | Ukrainio | ||||
| Provinco | Donecka provinco | ||||
| |||||
| Poŝtkodo | 84122 | ||||
| En TTT | Oficiala retejo [+] | ||||
| Demografio | |||||
| Loĝantaro | 105 141 (2022) [+] | ||||
| Loĝdenso | 1 785 loĝ./km² | ||||
| Geografio | |||||
| Geografia situo | 48° 51′ N, 37° 36′ O (mapo)48.8532537.605888888889 [+] | ||||
| Alto | 74 m [+] | ||||
| Areo | 58,9 km² (5 890 ha) [+] | ||||
| Horzono | UTC+02:00 [+] | ||||
| |||||
| |||||
|
| |||||
| Alia projekto | |||||
| Vikimedia Komunejo Sloviansk [+] | |||||
Historio
Tie en 1645 kozakoj konstruis apud salakva lago la fortikaĵon Tor, kiu de 1784 estas konata kiel urbo Slovjansko. Ĝi tamen urbiĝis en 1676. La urbo aparte konatas pro sia sala sanulejo.
Slovjansk aperis en amaskomunikiloj de la mondo pro tumultoj kaŭzitaj de rusaj separistoj, aprile 2014. Ukraina armeo provis kurataki la urbon la 24-an de aprilo, sed nenion atingis krom likvido de kelkaj gardejoj. Laŭvica, ĉi foje venka atako okazis la 2-an de majo 2014.
Post batalado, la 30-an de septembro 2022 la registaro de Rusio deklaris ĝin aneksita al la teritorio de Rusio kune kun la tuta Donecka provinco kaj tri aliaj provincoj de Ukrainio. Ĉar tio estas nur postulo de agrese militanta najbara ŝtato, klaras ke la registaro de Ukrainio kaj la internacia juro neniel akceptas tion. Necesas atendi internacie akceptitan traktaton pri paco.
Demografio
Nacieca konsisto de la urbo en 1939 surbaze de soveta popolnombrado:
- ukrainoj: 58 627 (75,32%)
- rusoj: 14 798 (19,01%)
- judoj: 2 050 (2,63%)
- belorusoj: 426 (0,55%)
- germanoj: 306 (0,39%)
- grekoj: 215 (0,28%)
Nacieca konsisto de la urbo en 2001 surbaze de ukraina popolnombrado:
Homoj asociiĝitaj kun Slovjansko
- Mikola Ŝmatko - ukraina pentristo kaj skulptisto.
Referencoj
Vidu ankaŭ
Eksteraj ligiloj
Wikiwand - on
Seamless Wikipedia browsing. On steroids.
