historia amafera komedia filmo de 1998 From Wikipedia, the free encyclopedia
Shakespeare in Love (Enamiĝinta Shakespeare) estas historia amafera komedia filmo de 1998 reĝisorita de John Madden, verkita de Marc Norman kaj Tom Stoppard, kaj produktorita de Harvey Weinstein. En ĝi stelulas Gwyneth Paltrow, Joseph Fiennes, Geoffrey Rush, Colin Firth, Ben Affleck kaj Judi Dench.
| Shakespeare in Love | |
|---|---|
.jpg) | |
| filmo | |
| Originala titolo | Shakespeare in Love |
| Originala lingvo | angla lingvo |
| Kina aperdato | 3 dec. 1998, 4 mar. 1999, 1998 |
| Ĝenro | romantika komedio, komedia dramo, filma dramo, filmbiografio |
| Kameraado | Richard Greatrex |
| Reĝisoro(j) | John Madden |
| Produktisto(j) | Harvey Weinstein • Edward Zwick • Marc Norman • David Parfitt • Donna Gigliotti |
| Scenaro | Marc Norman • Tom Stoppard |
| Loko de rakonto | Londono |
| Muziko de | Stephen Warbeck |
| Rolantoj | Joseph Fiennes • Gwyneth Paltrow • Geoffrey Rush • Colin Firth • Ben Affleck • Judi Dench • Tom Wilkinson • Simon Callow • Rupert Everett • Imelda Staunton • Mark Williams • Jim Carter • Steven O'Donnell • Martin Clunes • Antony Sher • Daniel Brocklebank • Jill Baker • Patrick Barlow • Simon Day • Roger Frost • John Inman • Nicholas Le Prevost |
| Produktinta firmao | Universal Studios Miramax |
| Honorigoj | Akademia Premio por la Plej Bona Filmo • Akademia Premio por la Plej Bona Neĉefa Aktorino • Akademia Premio por la Plej Bona Aktorino • Akademia Premio por la Plej Bona Originala Scenaro • Akademia Premio por la Plej Bona Kostumfasonado • Akademia Premio por la Plej Bona Ensceniga Fasonado • Akademia Premio por la Plej Bona Originala Muziko en Muzikalo aŭ Komedio • National Board of Review: Top Ten Films |
| IMDb | |
La filmo rakontas fikcian amaferon inter la dramaturgo kaj aktoro William Shakespeare (Fiennes) kaj Viola de Lesseps (Paltrow) dum Shakespeare estas verkanta Romeo kaj Julieto. Kelkaj roluloj estas bazitaj sur historiaj figuroj, kaj multaj el la roluloj, versoj, kaj intrigaj elementoj aludas al la teatraĵoj de Shakespeare.
Shakespeare in Love ricevis laŭdojn el kritikistoj kaj biletvendan sukceson, enspezante 289 milionojn da usonaj dolaroj tutdmonde kaj iĝante la naŭa plej multe enspeziga filmo de 1998. La filmo ricevis multajn nomumojn kaj premiojn, inter kiuj sep Oskar-premioj el dek tri nomumoj en la 71a okazos de la Akademiaj premioj: nome po la Plej Bona Filmo (Parfitt, Gigliotti, Weinstein, Zwick, & Norman), Plej Bona Aktorino (Paltrow), Plej Bona Duaranga Aktorino (Dench), Plej Bona Scenaro Originala (Norman & Stoppard), Plej Bona Originala Muziko (Warbeck), Plej Bona Arta Reĝisorado (Childs & Quertier), kaj Plej Bona Vestofasonado (Powell).
En Londono dum la somero 1593, juna poeto kaj dramaturgo William Shakespeare havas ekonomiajn, personajn kaj verkajn malfacilaĵojn. Li promesis sian komisianon Philip Henslowe, posedanto de la teatrejo The Rose, tuj liverigi novan teatraĵon. En realo, li havas ankoraŭ nur la titolon, Romeo kaj Ethel, la filino de la pirato. La aŭtoro sentas la bezonon trovi muzon, kapablan inspiri lin, kaj profesie kaj persone.
Nobela junulino, nome Lady Viola de Lesseps, kiu adoras lin pro liaj sonetoj, revas renkonti lin kaj iĝis aktorino, sed teatro estis tiam formale malpermesita al virinoj kaj tute neatingebla por nobela persono. ŝi decidas tiam maski kiel viro kaj sukcesas ricevi la rolon de Romeo. Dum balo Shakespeare, Lady Viola kaj Lord Wessex ĉeestas kaj ambaŭ viroj dancas kun Lady Viola. Shakespeare malkovras rapide la trompon kaj la veran identecon de sia juna ĉefaktoro: li freneze enamiĝas. Bedaŭrinde la junulino estas engaĝigita al alia viro, nome Lord Wessex.
De tiu malebla amo, kaj de la helpo de la rivala Christopher Marlowe naskiĝos du de la plej gravaj majstroverkoj de la juna dramaturgo, nome Romeo kaj Julieto dekomence, Twelfth Night poste. Lady Viola iĝas la amantino de Shakespeare. Viola estas alvokita al la kortego de la reĝino Elizabeto la 1-a de Anglio (Judi Dench), kaj Shakespeare maskiĝas kiel virino por akompanis ŝin kiel kuzino. En la kortego, li konvinkas Wessex veti 50 pundojn pri la sukceso de la teatraĵo.
Marlowe estis murdita, kaj kelkaj pensas, ke Shakespeare murdis lin, dum li mem pensas, ke estis Wessex murdis lin. Wessex malkovras la veran identecon de Will kaj post glava duelo oni klarigas ĉion: Marlowe fakte estis murdita dum kverelo en drinkejaĉo en kiu Wessex ne ludis rolon. Reĝa oficiro Tilney malkovras, ke estas virino en la teatra grupo kaj tial fermas la teatron, kio okazigus la ruinon de la dramaturgo kaj de la tuta kompanio. Sed rivala kompanio proponas sin por la verko, kun Shakespeare kiel protagonisto. Viola ekkonas, ke la ludo okazas la tagon de sia nupto, kaj post tio fuĝas por ĉeesti la spektaklon. Dum la ludado, la knabo kiu ludas la rolon de Julieto suferas la aĝosanĝon kaj lia voĉo ekruinigas la ludon; tial Viola anstataŭas lin kaj plialtigas la draman novelon enorme emociigante la publikon.
Tiam alvenas Wessex serĉanta sian edzinon kaj Tilney celanta fermi la teatron, sciante, ke denove virino ludas. Tamen la reĝino, kiu ĉeestas, rajtigas la ludon kaj deklaras la sukceson, pro kio Wessex devas pagi la vetmonon al Shakespeare. Tamen eĉ reĝino ne rajtas rompi geedzecon kaj Viola devas akompani sian edzon al Ameriko.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
