Selsey

Selsey estas marborda urbo de West Sussex, Anglio. En 2001, laŭ la tiujara censo, ĝi enhavis 9,875 loĝantojn.

Antikvaj dometoj de Selsey

Selsey
urbeto civila paroĥo vd
Administrado
Poŝtkodo	PO20
En TTT	Oficiala retejo [+]
Demografio
Loĝantaro	10 923  (2021) [+]
Loĝdenso	889 loĝ./km²
Geografio
Geografia situo	50° 44′ N, 0° 47′ U (mapo)50.735019444444-0.78976944444443 [+]
Areo	12,28 km² (1 228 ha) [+]
Horzono	UTC±00:00 [+]
Selsey (Britio) DEC Situo de Selsey
Alia projekto
Vikimedia Komunejo Selsey [+]
v • d • r

Nomo

Laŭ la anglosaksa historiisto Bede, la nomo Selsey devenas de la anglosaksa Seals-ey, kiu signifis "insulo de fokoj".

Historio

Selsey estis okupata ekde la ŝtonepoko. La urbo mem verŝajne fondiĝis dum la ferepoko de kelta tribo, la atrebatoj. En 1877 eltroviĝis oraj kaj arĝentaj moneroj de atrebataj regantoj.

Kiam Aelle, la unua anglosaksa reĝo de Sussex, fondis sian regnon, Selsey servis kiel la ĉefurbo. Post la kristanigo de la regno en la malfrua 7-a jarcento, fondiĝis abatejo kies preĝejo iĝis la katedralo. Pro marinundoj, la episkopoj de Sussex translokiĝis al Chichester en 1075. Sur plaĝo proksima al Selsey eltroviĝis anglosaksaj oraĵoj.

Selsey estis posedaĵo de la episkopoj de Chichester ĝis 1561, kiam ĝi akiriĝis de Elizabeto la 1-a (Anglio).

Multajn jarcentojn Selsey kaj la ĉirkaŭa regiono estis bazo de kontrabandistoj. En 1749, 14 kontrabandistoj akuziĝis pro la murdo de doganisto: sep pendumiĝis.