Santisteban del Puerto

Santisteban del Puerto (Sankta Stefano de la Montopasejo) estas vilaĝo kaj municipo de la Aŭtonoma Komunumo Andaluzio, en la provinco Ĥaeno, sude de Hispanio en la komarko El Condado.

Santisteban del Puerto
municipo en Hispanio vd
Flago	Blazono
Administrado
Poŝtkodo	23250
En TTT	Oficiala retejo [+]
Demografio
Loĝantaro	4 442  (2023) [+]
Loĝdenso	12 loĝ./km²
Geografio
Geografia situo	38° 15′ N, 3° 12′ U (mapo)38.2490009-3.2049574 [+]
Alto	675 m [+]
Areo	373 km² (37 300 ha) [+]
Horzono	UTC+01:00 [+]
Santisteban del Puerto (Provinco Ĥaeno) DEC Situo de Santisteban del Puerto
Santisteban del Puerto (Hispanio) DEC Situo de Santisteban del Puerto
Alia projekto
Vikimedia Komunejo Santisteban del Puerto [+]
v • d • r

La sep municipoj de la komarko El Condado de Ĥaeno. Santisteban del Puerto centre flavkolore.

Komarko El Condado de Ĥaeno en Andaluzio.

Santisteban del Puerto en la provinco Ĥaeno.

La areo de la municipo estas 373 km² kie loĝas 4 472 geloĝantoj, do loĝdenso estas 12,24 loĝ./km².

Geografio

Santisteban del Puerto estas en la centro de la komarko El Condado nordoriente de la provinco Ĥaeno, lime kun Castellar oriente, kaj kun Aldeaquemada kaj Navas de San Juan okcidente, same kiel kun la Provinco Ciudad Real norde.

Historio

En la Paleolitiko jam estis homa okupado ĉar oni trovis restaĵojn de ŝtonaj iloj kaj rokpentraĵoj en kavoj Apolinario kaj Morciguilla, deklaritaj Heredo de la Homaro fare de UNESCO. Estis ankaŭ grava loko en la argara kulturo de iberoj. La setlejo havis diversajn nomojn en la diversaj epokoj kaj respektivaj civilizacioj. Estis la "Ilucia" de iberoj, la "Itangi" de fenicoj, la "Ilugo" de romianoj, "San Esteban" de visigotoj, "Santastabin" de araboj kaj "San Esteban del Puerto" en la Mezepoko.

La araba kastelo estis scenejo de luktoj kaj ribeloj ĝis Fernando la 3-a konkeris ĝin en 1226 kaj Alfonso la 10-a en 1254 aligu ĝin al Úbeda. Sanĉo la 4-a havigis propran juran foruon la 15an de marto 1285 kion revalidigos lia filo Fernando la 4-a antaŭ doni ĝin al la Ordeno de Kalatravo dek jarojn poste. En la venontaj jarcentoj pasis tra diversaj nobelaj dinastioj.

Vidindaĵoj

Ibera pleto de Perotito.

• Dinosaŭraj piedsignoj (Erillas Blancas)
• Arkeologia kuŝejo de iberoj (Perotito) nune ekspoziciataj en la Nacia Arkeologia Muzeo de Madrido. Inter tiuj elstaras ornamita pleto el arĝento datita el la 2-a al 1-a jarcento a.K.
• Naturaj areoj
• Preĝejo Santa María del Collado de visigotoj kaj baptujo kaj sonorilturo de la iama kastelo
• Kastelo de San Esteban
• Preĝejo de San Esteban
• Turo de Poyato, de iama rura kastelo

Referencoj

Vidu ankaŭ

• Listo de municipoj de provinco Ĥaeno

Eksteraj ligiloj

• Kategorio Santisteban del Puerto en la Vikimedia Komunejo (Multrimedaj datumoj)

• Oficiala retejo de Santisteban
• Ventana del Visitante de los Espacios Naturales Protegidos de Andalucía Monumento Natural Huellas de dinosaurio.
• Kultura heredo de Santiesteban del Puerto en la Guía Digital del Patrimonio Cultural de Andalucía. Instituto Andaluz del Patrimonio Histórico