From Wikipedia, the free encyclopedia
Riaŭo (indonezie Riau; javie: رياو)[1] estas unu el la 31 provincoj, kiuj kune kun 2 specialaj regionoj kaj la ĉefurba distrikto Ĝakarto konsistigas Indonezion. La provinco kovras areon de 87 023 kvadrataj kilometroj kaj estas parto de la insulo Sumatro. Laŭ stato de la jaro 2011 Riaŭo havis 5 538 367 loĝantojn, kio rezultigas loĝdenson de po 52 homoj laŭ kvadrata kilometro. Laŭ tiu stato ĝi konsistis el 2 urboj, 10 distriktoj, 153 subdistriktoj kaj 1 500 vilaĝoj. Administra centro estas la urbo Pekanbaru. Alia grava urbo estas Dumai.
La teritorio situas en la ebena, marĉa orienta parto de la insulo borde de la Malaka Markolo La insuloj situantaj nordoriente de la marbordo en 2004 iĝis propra provinco sub la nomo Kepulauan Riau (Riaŭ-insuloj). Riaŭo havas varion de naturaj rimedoj kiel nafto, tergaso, kaŭĉuko, palmoleo, fiŝoj kaj ligno. La strategia situo en la Malaka Markolo, ĉe la plej mallonga mara vojo de Imperia Ĉinio al Barato jam frue signifis gravecon de la regiono.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
