La Patrino Tero kaj ĝia ekvivalento kiel Diino patrino aŭ Pachamama estas afero kiu ofte aperas en multaj mitologioj en la tuta mondo. La Patrino Tero estas la personigo de la tero, ĝenerale ĝi estas priskribita en pluraj kulturoj kiel fekunda diino, kiu reprezentas la fruktodonan teron; ankaŭ priskribita en kelkaj kulturoj kiel patrino de aliaj dioj, en kiuj videblas kiel patronino de la patrineco. Ĝenerale oni kredis tion ĉar la tero estis vidata kiel la patrino de ĉio kio kreskis sur ĝi.
| Patrino Tero | |
|---|---|
| Informoj | |
| Eble sama | Amalur • Patrino Naturo |
| Sekso | ina |
Ekzemplo de tiu kultado troviĝas en la kulturoj de Sud-Ameriko, kie indiĝenaj popoloj parencaj aŭ samepokaj de la keĉuoj kaj ajmaroj, daŭre kultas la grandan diinon Paĉamama; grava kulto ekzistanta en Ekvadoro, Peruo, Bolivio, la nordokcidento de Argentino, nordo de Ĉilio kaj kelkaj regionoj de Kolombio. La kulto al Paĉamama estas amasa en la kamparo kaj malgrandaj vilaĝoj kaj urboj. Alia simila ekzemplo troveblas en la kulturo de la mapuĉoj, tra la Ñuke Mapu (‘Patrino Tero’ en la mapuĉa lingvo); kvankam ĝi ne estas la ekzakta ekvivalento al la «diino patrino », ĝi estas malsama koncepto kaj eĉ pli ampleksa, ĝi estas la «Mapuĉa Mondo» en la kosmografio kaj la interreago de la mapuĉo en ĝi.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
