Monda loĝantaro

La Mondloĝantaro aŭ Monda loĝantaro estas la tutsumo de vivantaj homoj sur la Tero. En marto 2020, ĝi estas taksita al ĉirkaŭ 7,8 miliardoj da homoj fare de la censoservo de Usono (USCB).^[3] La USCB taksas ke la monda loĝantaro superis 7 miliardojn la 12an de marto 2012.^[4] Laŭ aparta takso de la Unuiĝintaj Nacioj, ĝi atingis tiun mejloŝtonon la 31-an de oktobro 2011.^[5][6][7] La averaĝa aĝo estis 30.4 jaroj en 2012 kaj oni esperas, ke ĝi pliiĝoj al 37.9 jaroj antaŭ 2050.

Ĉi tiu artikolo estas propono por Kunlaboraĵo de la semajno. Bonvolu vidi la aldonon de ĉi tiu paĝo por subteni aŭ prikomenti la proponon.

Mondpopulacio inter la jaroj 1800 kaj 2100, surbaze de raportoj de UN.^[1] Taksoj: alta, meza kaj malalta (ruĝa, oranĝa kaj verda, respektive) kaj takso de la Usona Censoburoo(nigra).^[2] En bluo - realaj datumoj.

La mondloĝantaro ade kreskis ekde la fino de la Granda malsatego en Irlando kaj la Nigra Morto en 1350, kiam ĝi estis proksime de 370 milionoj.^[8] Plej rapida kresko - tutmondaj loĝantarkreskoj okazas super 1.8% je jaro - nelonge okazis dum la 1950-aj jaroj, kaj pli longe dum la 1960-aj jaroj kaj 1970-aj jaroj. La kreskorapideco pintis je 2.2% en 1963 kaj tiam malkreskis sub 1.1% antaŭ 2012.^[9] Totalaj ĉiujaraj naskiĝoj estis plej altaj en la komencaj 1980-aj jaroj ĉe proksimume 138 milionoj,^[10] kaj nun oni atendas, ke ĝi restu esence konstantaj ĉe sia nivelo de 2011 de 134 milionoj da personoj, dum mortnumero je 56 milionoj je jaro, kaj oni atendas, ke ĝi pliiĝu al 80 milionoj je jaro antaŭ 2040.^[11]

Unuiĝintaj Nacioj antaŭvidas konstantan loĝantaran malkreskon en la tuj venonta futuro, kun tutmonda loĝantaro inter 8.3 kaj 10.9 miliardoj antaŭ 2050.^[12][13] La Loĝantarservo de Unuiĝintaj Nacioj taksas por la jaro 2150 intervalon inter 3,2 kaj 24,8 miliardoj;^[14] matematika modeligado apogas la pli malaltan takson.^[15] Kelkaj analizistoj pridubis la daŭripovon de plia mondloĝantara kresko, elstarigante la kreskantajn premojn sur la medio, tutmondajn manĝaĵajn provizadojn, kaj energiresursojn.^[16][17][18]

Monda loĝantaro (milionoj)[19]
#	Dek plej loĝataj landoj	1990	2008	2025*
1	Ĉinio	1,141	1,333	1,458
2	Barato	849	1,140	1,398
3	Usono	250	304	352
4	Indonezio	178	228	273
5	Brazilo	150	192	223
6	Pakistano	108	166	226
7	Bangladeŝo	116	160	198
8	Niĝerio	94	151	208
9	Rusio	148	142	137
10	Japanio	124	128	126
	Monda totalo	5,265	6,688	8,004
	Dekplej loĝataj (%)	60.0%	58.9%	57.5%
1	Azio	1,613	2,183	2,693
	+ Ĉinio	1,141	1,333	1,458
	+ OECD Pacifiko*	187	202	210
2	Afriko	634	984	1,365
3	Eŭropo*	564	603	659
	+ Rusio	148	142	137
	+ eks-Sovetunio*	133	136	146
4	Latinameriko	355	462	550
5	Nordameriko*	359	444	514
6	Mezoriento	132	199	272
	Aŭstralio	17	22	28
	Eŭropa Unio – 27 ŝtatoj	473	499	539
	Usono + Kanado	278	338	392
	eks-Sovetunio	289	285	289
Geografiaj difinoj de IEA Key Stats 2010 p. 66 Notoj: Eŭropo = OECD Eŭropo + Ne-OECD Eŭropo kaj eksklude Rusion kaj inklude Estonion, Latvion kaj Litovion eks-Sovetunio (SU) = SU eksklude Rusion kaj Baltion Nordameriko = Usono, Kanado, Meksiko OECD Pacifiko = Aŭstralio, Japanio, Koreio, Novzelando 2025 = kun konstanta jara kresko de 2007/2008 ĝis 2025