Lubná (distrikto Svitavy)

Municipo Lubná situas en Ĉeĥio, regiono Pardubice, distrikto Svitavy, en nordorienta submontaro de Žďárské vrchy, 10 km nordokcidente de urbo Polička. Vivas ĉi tie 937 loĝantoj (2024).

Por aliaj signifoj, bv. rigardi la apartigilan paĝon: Lubná

Lubná
municipo
Flago Blazono
Oficiala nomo: Lubná
Ŝtato	Ĉeĥio
Regiono	Regiono Pardubice
Distrikto	Distrikto Svitavy
Administra municipo	Litomyšl
Historia regiono	Bohemio
Cismontaro	Svitava montetaro
Rivero	Lubenský potok
Situo	Lubná
- alteco	495 m s. m.
- koordinatoj	49° 46′ 23″ N 16° 12′ 34″ O (mapo)
Areo	19,86 km² (1 986 ha)
Loĝantaro	937 (2024)
Denseco	47,18 loĝ./km²
Arbo	Abio de Vopařil
Unua skribmencio	1347
Horzono	MET (UTC+1)
- somera tempo	MET (UTC+2)
Poŝtkodo	569 63
NUTS 3	CZ053
NUTS 4	CZ0533
NUTS 5	CZ0533 578355
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Lubná (Svitavy District)
Retpaĝo: www.lubna.cz
Portalo pri Ĉeĥio

Torso de Vopařil-abio el Lubná

La najbaraj municipoj de la setlejo estas Oldřiš, Sebranice, Proseč, Horní Újezd, Poříčí u Litomyšle, Borová, Budislav, Polička kaj Široký Důl.

Historio

Nomo de la vilaĝo aperas en skribaj dokumentoj el la jaro 1167. Laŭ legendo pretigis lignaĵistoj en ĉirkaŭaj arbaroj furnirojn por kribliloj. Ulman, kverkan kaj fagan lignon el ĉirkaŭaĵo de Lubná oni uzadis ĉefe por produktado de fleksataj aĵoj. El tio estis derivita Lubný les (Furnirarbaro), Lubný potok (Furnirrivereto) kaj ankaŭ nomo de la nova vilaĝo.

Alia klarigo de la nomo Lubná estas, ke tiel pli frue nomiĝis la rivereto. Ĉar la vorto "lub" en slavaj lingvoj signifas arboŝelon, Lubná estis rivereto, en kiu flosis multaj ligneroj. Ankaŭ la nomo povis signifi vilaĝon, kie por kovrado de tegmentoj uzadis arboŝelojn.

Antaŭ la jaro 1847 infanoj devis viziti la lernejon en Sebranice, kio estis en submontara regiono, ĉefe en vintraj monatoj, malfacila aŭ eĉ danĝera. De tiu jaro instruis la infanojn legi, skribi kaj kalkuli helpinstruisto el Sebranice rekte en Lubná. En la jaro 1854 estis en la vilaĝo aprobita memstara lernejo.

En la jaro 1835 ekfabrikis proksime de Lubná t.n. Kajetánčina vitrofarejo. Ĝi ekestis laŭ interkonsento de magazendomo Lazar Pick kaj familiaro Valdštejn el Litomyšl. Bonkvalitaj produktaĵoj estis eksportataj en Hispanion, Nederlandon, Turkion kaj Amerikon.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	1 604
1880	1 584
1890	1 493
1900	1 444
1910	1 448
1921	1 429

Jaro	Loĝantoj
1930	1 440
1950	1 064
1961	1 077
1970	974
1980	949
1991	953

Jaro	Loĝantoj
2001	977
2014	998
2016	975
2017	976
2018	961
2019	958

Jaro	Loĝantoj
2020	947
2021	892
2022	941
2023	939
2024	937

Memorindaĵoj

Kapelo

Kapelo de Sankta Anna estis en Lubná konstruita en la jaro 1921. Post alkonstruo de turo en la jaro 1993 ĝi fariĝis dominanto videbla el vasta ĉirkaŭaĵo.

Mariakulta kolono

Mariakulta kolono estis konstruita en la jaro 1888. Ĝia aŭtoro estis Josef Kroupa el Litomyšl.

Lignaj kabanoj

En la vilaĝo estas konservitaj lignaj kabanoj el la unua duono de 19-a jarcento.

Memorindaj arboj

En Lubná troviĝas kelkaj arboj signifaj per sia aĝo kaj grandeco.

Estas ĉi tie proklamita memorinda arbo - tilio korfolia, kies aĝo estas 350 - 400 jaroj, alta ĝi estas 24 m, cirkonferenco de trunko 570 cm.

Ankaŭ ĉi tie kreskas t.n. Kadidlova jedle (Abio de Kadidlo), kiu estas unu el la plej altaj arboj en Ĉeĥio. Ĝian aĝon oni taksas je 400 jarojn.

Eksteraj ligiloj

• Oficiala paĝaro de mikroregiono Litomyšlsko Arkivigite je 2010-11-16 per la retarkivo Wayback Machine ĉeĥe