Lorcán Ó hUiginn
From Wikipedia, the free encyclopedia
Lorcán Ó hUIGINN (1910-6an de decembro 1985) naskiĝis en Irlando, kie li estis motoro en la Dublina grupo, kaj enmigris al Kanado kiel plenkreskulo.
| Lorcán Ó hUiginn | |
|---|---|
| Persona informo | |
Li ekstudis Esperanton kiam li aĝis 16 jarojn. En 1927, li estis juna ŝtatservisto, kaj aliĝis al la Irlanda Esperanto-Asocio, kies Prezidanto tiutempe estis F. R. A. McCormack kaj post nelonge fariĝis ĝia Prezidanto. Li fariĝis ĉefdelegito de UEA kaj eldonis du gazetojn, La Kolombo por la interna movado kaj Irlando Vokas Vin por la eksterlandaj irlandaj esperantistoj.
En decembro 1933 Lorcán Ó hUiginn ekinstruis Esperantan kurson en la School of Commerce, Parnell Square.
Dum longa tempo Lorcán estis stenografisto en la Dáil (La Parlamento de la Respubliko de Irlando). Li instruis Esperanton al aliaj stenografistoj. Tiutempe estis Esperanto-grupo en la Parlamentejo.
En la periodo 1937 – 1939 li disaŭdigis serion da paroladoj de Radio Eireann en Esperanto, pri la vivo, kutimoj kaj konataj homoj de Irlando. Oni ricevis multajn leterojn de diversaj Eŭropaj landoj laŭdante la programojn. Oni ofte vigligis ilin per muziko kaj kantoj kaj ili pliboniĝis dum la tempo pasis. Lorcán Ó hUiginn ankaŭ uzis Esperanton por komercaj aferoj kaj tradukis korespondadon por firmoj. Li fondis Komercan Klubon por tia agado.
La unua postmilita Universala Kongreso okazis en Berno, Svislando, en 1947. El la 1370 partoprenantoj estis 5 irlandanoj, inter ili Lorcán Ó hUiginn kaj Liam Ó Cuirc.
Li prezidis la Kanadan Esperanto-Asocion (1966-1971) kaj estis elektita ties Honora Membro en 1981.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
