From Wikipedia, the free encyclopedia
La fjordo Long Island, angle Long Island Sound, plene esperantigebla longinsula fjordo, estas fjordo en la okcidento de la Atlantika Oceano, kiu dividas la insulon Long Island ĉe la orienta marbordo de Nordameriko de la kontinenta parto de Nordameriko, kiu tiuloke plejparte apartenas al la usona ŝtato Konektikuto. La fjordo longas proksimume 177 kilometrojn kaj larĝas ĝis 34 kilometrojn. Averaĝe ĝi profundas 24 metrojn, maksimume 91 metrojn.
Ĉi tiu artikolo temas pri fjordo. Por aliaj signifoj vidu la artikolon Long Island (apartigilo).
La plej granda golfeto ĉe la norda bordo de la insulo Long Island nomatas Smithtown Bay, sed krom ĝi ekzistas multaj pliaj, pli malgrandaj golfetoj kaj fjordetoj. Ambaŭ bordoj de la fjordo konektatas per pramŝipoj kaj per submaraj kabloj - diversaj projektoj konstrui ponton super ĝin ĝis nun malsukcesis.
Ĉe la norda bordo de la fjordo, do en Konektikuto, situas interalie la urboj Bridgeport, New London, Stamford, Norwalk kaj New Haven, kaj ankaŭ la urbopartoj Bronkso kaj malgrandparte Kvinzo de Novjorko situas ĉe la fjordo. En sia fina parto la fjordo transiras al la mallarĝa markolo East River, kiu konsistigas duan, sudokcidentan, ligon de la fjordo al la oceano. Per tiu markolo ŝipveturis la nederlanda navigisto Adriaen Block, kiam li en 1614 ekkonis la fjordon.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
