Laberinto de pasiones (Pasia labirinto) estas hispana filmo de 1982 verkita kaj reĝisorita de la kinreĝisoro Pedro Almodóvar. Protagonistas en ĝi Cecilia Roth kaj Imanol Arias kaj ĝi estis la unua filmo de Antonio Banderas. Ĝi estas la dua filmo de Almodóvar, post Pepi, Luci, Bom y otras chicas del montón (1980). Almodóvar disponis tiuokaze de plia alta buĝeto por tiu dua filmo, kiu iĝis pli kompleksa kaj bonkvalita.
| Laberinto de pasiones | |
|---|---|
| filmo | |
| Originala titolo | Laberinto de pasiones |
| Originala lingvo | hispana lingvo |
| Kina aperdato | 1982, 22 nov. 1990 |
| Ĝenro | komedia filmo, samseksemeca filmo, filma dramo |
| Reĝisoro(j) | Pedro Almodóvar |
| Produktisto(j) | Pedro Almodóvar |
| Scenaro | Pedro Almodóvar |
| Filmita en | Madrido |
| Loko de rakonto | Hispanio |
| Muziko de | Bernardo Bonezzi |
| Rolantoj | Cecilia Roth • Helga Liné • Antonio Banderas • Agustín Almodóvar • Imanol Arias • Pedro Almodóvar • Marta Fernández Muro • Cristina Sánchez Pascual • Ofelia Angélica |
| IMDb | |
La filmo temas pri troseksema kantistino kaj princo de Mezoriento. La tiama kritiko ne laŭdis la filmon, sed ĝi iom sukcesis kaj finfine iĝis kulta filmo. La agado okazas en Madrido, dum la epoko de la Madrida Movida, nome periodo de seksa malfermo post la frankisma epoko kaj la komenco de la problemo de Aidoso.
La intrigo estas absolute freneza: startas per la vivo de stranguloj, kiuj pli kaj pli interplektiĝas en bobelo neenpenetrebla. Riza Niro (Imanol Arias), filo de la elpostenigita imperiestro de Tirán (vortoludo inter tirano kaj Irano) alvenas al amuza kaj freneza Madrido. Juna troseksema kantistino Sexi (Cecilia Roth) estas membro de violentema muzikgrupo, dum li interesiĝas plie pri kosmetikaĵoj kaj viroj ol pri virinoj. Siaflanke la princon serĉas tiraniaj dekstruloj (por kidnapi lin) kaj grafino (por seksallogi lin). Kaj Sexi kaj Riza Niro serĉas virojn kaj tiukadre Riza konas Fabio (Fabio McNamara), samseksema punkulo kiu enkondukas lin al nokta diboĉemo. Tiuetose Riza, sub pseŭdónimo de Johnny, konas la anojn de la grupo Ellos (Ili). Survoje al scenejo, Eusebio, la kantisto, suferas akcidenton kaj Johnny iĝas la nova soloisto. Siavice Sexi estas la kantistino de la grupo Las Ex (La Eks-ulinoj), komponita per eks-kunulinoj de la anoj de Ellos. Ekas amafero.
Post malsukcesaj seksoklopodoj, evidentas komuna destino por Sexi kaj Riza, kiuj decidas kunresti. Riza konfesas al Sexi sian identecon kaj eventualan revenon al la insulo Contadora (en Panamo), kie lia patro, la imperiestro Tyrani, vivas ekzile. Helpas la planon Queti (Marta Fernández Muro), superfanulino de Sexi, kiu lasos sian patron, kiu perfortas ŝin pensante, ke ŝi estas la patrino, kaj anstataŭos ŝin kaj en la grupo kaj hejme. Aliflanke, Sadec (Antonio Banderas), sperta flaremulo, komprenas, ke la viro kun kiu iam seksumis estas precize Riza Niro, persekutita de la patriotoj.
La princino Toraya (nomo parodia pri Soraja, Helga Liné), eks-edzino kaj eks-imperiestrino de Tyrán, ekkonas, ke Riza estas en Madrido, kaj trovas lin, precize en sia sama hotelo. Sexi venas renkontiĝi kun Riza kaj trafas ŝin, kiu estis fakte la unua virino en la vivo de Riza. Detruita per la perfido de Riza, fuĝas tra la ardaj stratoj de Madrido, spite la fakton ke Sexi sentas neracian panikon pro la suna varmo. Sekvas pliaj labirinteroj.
- Cecilia Roth estas Sexilia.
- Imanol Arias estas Riza.
- Helga Liné estas Toraya.
- Marta Fernandez Muro estas Queti.
- Antonio Banderas estas Sadec.
- Fernando Vivanco estas Doctor de la Peña.
- Ofelia Angélica estas Susana.
- Luis Ciges estas la patro de Queti.
- Ángel Álcazar estas Eusebio.
- Concha Gregorí estas Angustias.
- Augustin Almodóvar estas Hassan.
- Cristina Pascual estas la fianĉino de Eusebio.
- Fabio McNamara estas Fabio.
- Santiago Auserón estas Angel.
- En tiu ĉi artikolo estas uzita traduko de teksto el la artikolo Laberinto de pasiones en la hispana Vikipedio.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
