La Malbenitaj Reĝoj

La Malbenitaj Reĝoj estas serio de historiaj romanoj verkitaj de Maurice Druon kun tuta teamo de kunlaborantoj, inter 1955 kaj 1977, surbaze de legendo elpensita de la itala kronikisto Paolo Emilio laŭ kiu la lasta grandmajstro de la Templo Jacques de Molay estus lanĉinta, en 1314, malbenon sur la paliso kontraŭ la reĝo de Francio Filipo la Bela, malbenon kontraŭ la papo Klemento la 5-a, fine malbenon kontraŭ Vilhelmo de Nogaret kaj iliaj heredantoj kaj posteuloj dum dek tri generacioj.

Les Rois maudits
romanserio
Aŭtoroj
Aŭtoro	Maurice Druon
Lingvoj
Lingvo	franca lingvo
Eldonado
Eldondato	1950-aj jaroj
Ĝenro	historia romano
Partoj • The Iron King • The Strangled Queen • The Poisoned Crown • The Royal Succession • The She-Wolf of France • The Lily and the Lion • The King Without a Kingdom vd
Roluloj Filipo la 4-a de Francio • Ludoviko la 10-a vd
v • d • r

La intrigo evoluas en kunteksto de rivaleco por la sinsekvo al la trono de Francio de 1314 ĝis 1356 sub la regadoj de Filipo la Bela al Johano la Bona: tiu rivaleco kondukas tra dinastiaj ligoj al la Centjara Milito inter Francio kaj Anglio. La intrigo ankaŭ evoluas sur du aliaj niveloj: la rivaleco por la sinsekvo de Artois inter Mahaut d'Artois kaj ties nevo Robert d'Artois disponigante la ĉefan intrigon, dum romantika idilio inter la bankisto Guccio Baglioni kaj la nobelino Marie de Cressay disponigas alian intrigon, malĉefan.

La sep volumoj de La Malbenitaj Reĝoj estis tradukitaj en — almenaŭ — dek lingvojn: angla, bulgara, germana, hispana, hungara, pola, portugala, rumana, rusa, kaj slovaka. Sed ankoraŭ ne en Esperanton.

Strukturo

• Volumo 1-a (1955): La Fera Reĝo
• Volumo 2-a (1955): La Strangolita Reĝino
• Volumo 3-a (1956): La Kron-Veneno (laŭvorte: La Venenoj de la Krono)
• Volumo 4-a (1957): La Reĝa Sinsekvo (laŭvorte: La Leĝo de Maskloj)
• Volumo 5-a (1959): La Lupino de Francio
• Volumo 6-a (1960): La Lilio kaj la Leono
• Volumo 7-a (1977): La Reĝo sen Reĝlando (laŭvorte: Kiam reĝo perdas Francion)

PeEnEo: 880027