From Wikipedia, the free encyclopedia
La Kuba trogono aŭ tokororo (Priotelus temnurus) estas mezgranda birdo el la familio de Trogonedoj.
 | ||||||||||||||
|---|---|---|---|---|---|---|---|---|---|---|---|---|---|---|
 Kuba trogono | ||||||||||||||
| Biologia klasado | ||||||||||||||
| ||||||||||||||
| Priotelus temnurus (Temminck, 1825) | ||||||||||||||
| Konserva statuso | ||||||||||||||
 | ||||||||||||||
Subspecioj | ||||||||||||||
| ||||||||||||||
Sinonimoj | ||||||||||||||
|
Trogon temnurus Temninck, 1825 | ||||||||||||||
Aliaj Vikimediaj projektoj | ||||||||||||||
Ĝi estas endemisma en kaj la nacia birdo de Kubo. La kialoj laŭ onidiroj estas diversaj. Ties plumaro estas de belegaj koloroj (unu el la plej belaj el Kubo) kaj same kiel la kecalo (alia simbola kaj nacia birdo) apartenas al la tropika familio de la Trogonedoj. Ĝi ne akceptas la kaptivecon; tiele ĝi vivas malmulte, perdas sian brilkoloron kaj velkas. Ĝi enhavas ĉefe la tri kolorojn de la kuba flago: blua, blanka kaj ruĝa. Tio lasta okazas ankaŭ kun alia trogono en Meksiko, ĉe kiu verdo anstataŭas bluon.
Ties longo estas 27 – 28,5 cm, kaj la enverguro de ties flugiloj 39 - 39,5 cm. La vosto estas 14,3 – 14,8 cm longa. La supra parto de la kapo kaj la nuko estas bluviolaj, la centra vizaĝo, dorso kaj pugo estas malhelverdaj brilegaj. Ĉe la maskloj la gorĝo kaj la brusto estas grizeĉblankaj, la ventro estas ruĝa kiel la bazo de la najbara vosto, sed la inoj havas ruĝajn bruston kaj ventron. La flugiloj kaj vosto montras bildojn tre kolorecajn kun partoj bluaj kaj brilverdaj kaj aliaj blankonigraj. La vosto (blanka sube kaj bluverda supre) havas longajn kaj rimarkindajn plumojn, kiuj aspektigas la pinton kiel forkoforma aŭ segilforma flanke. La okulirizoj estas ruĝaj kaj la beko malhela supre kaj ruĝa sube. La fingrojn uzas por subteni sin kiel tipe ĉe la Trogonedoj, unua kaj dua malantaŭen kaj tri kaj kvar antaŭen. Ambaŭ seksoj estas similaj, escepte la kolordiferenco en brusto.
Ekzistas du formoj iomete distingaj, tiu nomiga kiu vivas en la Insulo Kubo kaj apudaj kajoj, P. temnurus temnurus, kaj tiu kiu vivas en la Insulo de la Junularo aŭ de Pinos, P. temnurus vescus.
La genra nomo Priotelus signifas en latina segilita kaj la specifa temnurus signifas disdegnema. La komuna nomo estas tokororo, kio estas pli malpli onomatopeo de la voĉo. Ĝi estas nomita ankaŭ kiel tokoloro kaj en kelkaj lokoj de la oriento de la lando, guatiní, indiĝena termino devena el tainoj.
Tiu neotropisa birdo ekzistas nur en Kubo, Isla de la Juventud (I. de Pinos) kaj en la kajoj Guanaja kaj Sabinal de la insularo Jardines del Rey (Sabana-Camagüey). Ĝi estas komuna en la arbaroj de la tuta lando, kiuj povas esti diversaj, eĉ en pinarbaroj, sed prefere montare ĉe densaj arbaroj kaj kun altaj arboj.
Ili nestumas el aprilo al julio en arbotruoj ĵus abandonitaj de pegoj. La ino demetas 3 aŭ 4 ovojn. Ambaŭ gepatroj kovas kaj zorgas la idojn.
Ripoze surbranĉe ripetas to-koro, laŭ serioj, dum ili movas la voston kiel treme. De tiu kanto devenas onomatopee la komuna nomo. Ili faras ankaŭ aliajn sonojn, kiel raŭkajn bojadojn kaj diversajn klakojn kaj alvokajn murmurojn.
Temas pri sufiĉe kvietema birdo, kiu restas ripoze longe, sen graciaj movoj kaj subite ekflugas por manĝi dumfluge. La flugo estas subita, sed mallonga, ondeca kaj iomete brua.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
