La Kastelo de Enying (konata ankaŭ pri la iama posedanto Kastelo de Batthyány [batjAnji]) estas historia monumento, nuntempa kuracejo en urbo Enying (Hungario).
Historio
Pri konstruado de tiu ĉi kastelo restis nur nebulaj informoj. Supozeble la familio Batthyány havis en tiu loko nobeldomon kaj centron de bieno en la 18-a jarcento. Fülöp Batthyány-Strattmann trakonstruis al pli granda, klasikisma kastelo inter 1809-1811. Ekde 1870 la posedanto jam estis alia riĉulo, en fino de la 19-a jarcento la kastelo denove estis trakonstruita kaj pligrandigita. Post la 2-a mondmilito la ŝtato forprenis la kastelon (same la ceterajn kastelojn). Interne ekde 1946 agrikultura lernejo funkciis. Inter 1959 - 1962 la kastelo plene estis renovigita, poste kontinue kuracejo funkcias ene.
Konstruaĵo
La unuetaĝa kastelo (tamen ambaŭ aloj estas nur teretaĝaj) kun keloj situas sola en la urbomezo. La konstruaĵo formas U-majusklon. La fasado estas simetria, meze estas la nuntempa ĉefenirejo. Super la ĉefenirejo ĉe la tegmento granda timpano (arkitekturo) etendiĝas. En la malantaŭa parto (meze inter la aloj) estas alia enirejo, kie pilieroj tenas balkonon, sub la balkono iam alvenis la kaleŝoj.
Parko
La parko estis kreita en 1817. La arboj restis plejparte inter la 2 aloj. Nuntempe oni aranĝas tie subĉielajn teatrojn. En 2006 estis kreita ornamputo kun pelikano, ĉar tiu birdo estis blazonobesto de familio Batthyány. Pli frue en 1999 oni metis apud la ĉefenirejo bronzan buston pri Albert Szent-Györgyi.
Fontoj
- [rompita ligilo]
- hungare kun foto
- hungare kun 2 fotoj Arkivigite je 2017-04-13 per la retarkivo Wayback Machine
- hungare kun pluraj fotoj
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
