Karl Hjalmar Fröding

Karl Hjalmar FRÖDING (naskiĝis la 21-an de majo 1886 en Mullsjödal, mortis la 26-an de aprilo 1949 en New Auburn^[1]) estis sveda esperantisto, lignaĵisto kaj Esperanto-instruisto.

Karl Hjalmar Fröding
Persona informo
Naskiĝo	21-an de majo 1886 (1886-05-21)
Morto	26-an de aprilo 1949 (1949-04-26) (62-jaraĝa)
Lingvoj	Esperanto
Ŝtataneco	Svedio
Okupo
Okupo	esperantisto tradukisto
v • d • r

• Kategorio Karl Hjalmar Fröding en la Vikimedia Komunejo (Multrimedaj datumoj)
• Karl Hjalmar Fröding en Vikifontaro (Universala biblioteko)

Karl Fröding lernis Esperanton en 1902 en Svedujo. Li organizis Esperanto-klubon en Rockford, Usono, en 1904, kaj gvidis diversajn kursojn. Li fondis Skandinavan Esperanto-Instituton, poste Amerikan Esperanto-Instituton. Li eldonis kaj redaktis Skandinavan Esperantiston (1916-17 kaj 1922-23) kaj Sciencan Gazeton (1932).

Verkaĵoj

• An easy course in Esperanto for correspondance schools. Madison: Amerika Esperanto-Instituto, 1931. 20 paĝoj.
• Kort lärobok i Esperanto: åtta lektioner. Madison: Amerika Esperanto-Instituto, 1934. 20 paĝoj.

Tradukaĵoj

• Jack London: La forto de la fortaj. Amsterdam 1914. 20 paĝoj. (Serio da eldonaĵoj de Internacia Socia Revuo 18.)
• G. W. Barnert: De viandomanĝado al senvenena dolĉfrukta dieto. Madison: Amerika Esperanto-Instituto, 1932. 15 paĝoj.
• Upton Sinclair: Jimmie Higgins. Paris: Sennacieca Asocio Tutmonda, 1934. 369 paĝoj.
• Jiddu Krishnamurti: La problemoj de la vivo. Demandoj kaj respondoj. Madison: Amerika Esperanto-Instituto, 1935. 16 paĝoj.

Recenzoj

Pri De viandomanĝado al senvenena dolĉfrukta dieto

	„ 15-paĝa traktato pri dieto tre speciala, kaj kiumaniere ĝin grade alpreni: krome, pri kiel, kiam, kiom, kaj kie, estas plej bone manĝi. ” — La Brita Esperantisto - Numero 334, Februaro (1933)

	„ Ĝi priskribas koncize, sed efike la problemon de la transiro de ordinara dieto al la dolĉfrukta. ” — Bulgara esperantisto j.15 n01-02 jan. feb. 1933

Referencoj

1. Esperanto : revuo internacia : oficiala organo de Universala Esperanto Asocio. Jaro 42, n. 525/526 (1949), p. 98

Ĉi tiu artikolo baziĝas (parte aŭ tute) sur artikolo el la Enciklopedio de Esperanto. La originala teksto kontroleblas en interreta arkivo de la fonto.