Kainganga lingvo

La kainganga lingvo (propralingve kaingang, kaingáng aŭ kaigang, portugale caingangue) estas indiĝena lingvo parolata en la sudo de Brazilo. Ĝi apartenas al la ĵeaj lingvoj. Al la etna grupo de kaingangoj nuntempe apartenas ĉirkaŭ 30 000 personoj, kaj de ili 60% ĝis 65% parolas la lingvon. Plej multaj ankaŭ parolas la portugalan.

Kainganga lingvo
kaingang, kaingáng, kaigang
lingvo • moderna lingvo
Ĵeaj lingvoj
Parolata en	Brazilo
Regiono	dise en la kvar sudaj brazilaj subŝtatoj San-Paŭlo, Paranao, Sankta Katarino kaj Suda Rio-Grando
Parolantoj	ĉ. 20 000
Skribo	latina alfabeto
Lingvistika klasifiko
makro-ĵea lingvaro ĵeaj lingvoj suda kainganga lingvo
Lingva statuso	3 sendube endanĝerigita
Lingvaj kodoj
Lingvaj kodoj
ISO 639-3	kgp
Glottolog	kain1271
Angla nomo	Kaingang
Franca nomo	kaingang
v • d • r

Antaŭe la kaingangoj kaj ŝoklengoj (Xokleng) estis konsiderataj kiel unu etno, kaj tiu pli vasta grupiĝo ricevis plurajn kromajn nomojn inkluzive de Amhó, Dorin, Gulachi, Chiqui, Ingain, Botocudo, Ivitorocái (= Amho) Kame, Kayurukré, Tain (= Ingain) kaj Taven. Kelkaj el tiuj nomoj eble origine estis tribaj nomoj, aliaj estas eksonimoj.

Komence de la 20-a jarcento, interalie la germandevena esperantisto Francisco Schaden alveninta al Brazilo esploris kaj verkis pri la lingvo.

Ĉi tiu artikolo ankoraŭ estas ĝermo pri lingvo. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).