| Küttigen | |
|---|---|
 | |
 | |
| komunumo en Svislando | |
| Kantono | Argovio |
| Distrikto | Araŭo |
| Koordinatoj | 47° 25′ 0″ N 8° 3′ 0″ O (mapo) |
|
| |
| Nombro de loĝantoj | 5403 |
| Areo | 11,89 km² |
| Alteco | 408 m super marnivelo |
| Poŝtkodo | 5024 |
| Komunumkodo | 4008 |
 | |
Küttigen estas komunumo en la distrikto Araŭo de Kantono Argovio, Svislando. Ĝi havis 5403 loĝantojn je la 31-a de decembro 2008.
La komunumo Küttigen etendiĝas inter la norda bordo de la rivero Aro kaj la kresto de ĉeno de la faldoĵuraso. La komunumo konsistas el la vilaĝoj Küttigen, Rombach, Horen kaj Kirchberg.
La teritorio de la komunumo etendiĝas sur areo de 11,89 km², de kiuj proksimume la duono, nome 5,91 km², estas kovrita de arbaro kaj 1,90 km² de konstruaĵoj. La plej alta punkto de la komunumo situas sur alteco de 866 m s.m. sur la kresto de la montoĉeno Wasserflue kaj la plej malalta punkto sur alteco de 360 m s.m. ĉe la bordo de la rivero Aro.
La komunumo Küttigen limas en nordokcidento al Oberhof, en nordo al Densbüren, en nordoriento al Thalheim, en oriento al Biberstein, en sudo al Araŭo, kaj en okcidento al Erlinsbach AG.
Küttigen estas konektita al la publika trafikreto per tri buslinioj de la loka trafikentrepreno de Araŭo kaj per du poŝtaŭtolinioj de Araŭo al Frick. Tra la komunumo pasas la kantona ĉefvojo 24, de Araŭo al Frick, kiu pasas tra la montpasejo Staffelegg. La plej proksima alveturejo al la Svisa aŭtovojo A1 estas Araŭo-Oriento tute proksime de la komunuma limo.
La unua dokumenta mencio de Küttigen datiĝas el la jaro 1036 kiel Chutingen.
En la jaro 1277 la Senjoroj de Kienberg konstruis sur la Egg-kresto la Kastelon Königstein, de kiu hodiaŭ ekzistas nur ankoraŭ ruinoj. De tie ili administris sian etan voktejon, al kiu apartenis krom Küttigen ankaŭ Erlinsbach. De 1335 ĝis 1535 la vilaĝo estis posedaĵo de la Johanitoj, ĝis ili devis vendi sian havaĵon al la urbo Berno. Ek de tiam la vilaĝo troviĝis sub berna servuteco. En la jaro 1798 okaze de la Helveta Revolucio francaj trupoj liberigis Argovion. Küttigen farigixis komunumo de la distrikto Araŭo de la nove fondita Kantono Argovio.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
