From Wikipedia, the free encyclopedia
Jindřich JEŽEK <pseŭd.: Erinazzo> (naskiĝis la 12-an de julio 1898 en Lišov - mortis la 21-an de februaro 1951 en Buštěhrad) estis ĉeĥa esperantisto, majstro kamentubisto, tradukis Kantojn de Sklavo de Svatopluk Čech.
Jindřich Ježek | |
---|---|
Persona informo | |
Naskiĝo | 12-an de julio 1898 en Lišov |
Morto | 21-an de februaro 1951 (52-jaraĝa) en Buštěhrad |
Lingvoj | Esperanto • ĉeĥa |
Ŝtataneco | Ĉeĥoslovakio |
Okupo | |
Okupo | esperantisto |
Lia profesio ne malebligis al li funde studi fremdajn lingvojn kaj li fariĝis poligloto de nekutima eruditeco. Krom la ĉefaj eŭropaj lingvoj li sciis ankaŭ la araban, persan, hebrean, ciganan. Plie li funde studis ankaŭ problemojn de la ĉeĥa lingvo; kiam li prezentis siatempe funde argumentitan proponon pri reformo de ĉeĥa ortografio subskribitajn per sia nomo kaj profesio, la komitato specialista deklaris, ke temas pri kaŝnomo de fama profesoro. La metilernadon li finis en Plzeň dum la unua mondmilito. Tie li fariĝis esperantisto kaj veninte en 1920 en Prahan, li mirigis ĉiujn samideanojn per flua konversacio kaj riĉega vorttrezoro.
Li multon verkis en Esperanto. Ekzistas kompleta lia traduko de „Kantoj de Sklavo“ de Svatopluk Čech, el kiuj multaj pecoj estis publikigitaj en La Progreso kaj du en Ĉeĥoslovaka antologio. La Progreso publikigis ankaŭ liajn artikolojn pri ĉeĥismoj, vivo de animaloj kaj pri Literatura Mondo.
Ankaŭ lirikisto li estis. Okaze de lia morto la ĉeĥa revuo Esperantista kondolencis al lia edzino kaj du filoj lasante paroli la poeton en versoj verkitaj „je la tria matene la 19. 12. 1948“:
Mia skribmaŝino
Mia fidela kamaradino
mia malnova skribmaŝino,
kiom jam vin mi turmentis,
kun vi kompaton ne sentis!
Kion vi ĉian jam skribis,
kion mi al vi konfidis:
konton komercan, lernejan taskon,
ŝuldo-admonon malpaciencan,
aman leteron, studon sciencan,
gajan novjaron, ĝojan kristnaskon,
nomtag-gratulon, tradukon, poemon,
(kiam mi havis tempon kaj emon) ...
Ĉu vi ankoraŭ la sanon konservos?
Kaj kiom jarojn al mi vi servos?
Kaj kia estos via sorto
post mia morto?
Kiu vin poste posedos?
Ĉu vi lin tedos,
aŭ li vin,
post mia fin‘?
Erinazzo
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.