Johanson Zilberfarb

Johanson Izaakoviĉ ZILBERFARB (ruse Иогансон Исаакович ЗИЛЬБЕРФАРБ; naskiĝis la 13-an de oktobro 1903 en Bresto, mortis la 13-an de julio 1968 en Moskvo^[1]) estis ukrainia sovetia historiisto kaj esperantisto.^[2]

Johanson Zilberfarb
Persona informo
Naskiĝo	13-an de oktobro 1903 (1903-10-13) en Bresto
Morto	13-an de julio 1968 (1968-07-13) (64-jaraĝa) en Moskvo
Lingvoj	rusa • Esperanto • franca
Ŝtataneco	Ukraina Soveta Socialisma Respubliko
Okupo
Okupo	historiisto esperantisto
v • d • r

Esperanta agado

Zilberfarb estis membro de Sennacieca Asocio Tutmonda, aktiva en Teknika Komisiono de la Eldon-Kooperativo de SAT^[3] kaj aŭtoro de artikoloj en Sennaciulo. Zilberfarb estas la aŭtoro de unu el la plej konataj esperantigoj de La Internacio, kiu estis publikigata en SAT-jarlibroj.^[4] Li decidis malaktiviĝi jam en decembro 1926, rifuzante membri en SEU pro ĝiaj polic-spionaj servoj al registaro, kaj restante malaktiva membro ene de SAT, por ne riski ekziliĝon, kiel aliaj.^[5] Tiu malaktiviĝo plej verŝajne helpis lin transvivi la grandan purigon de la jaroj 1936-1937.

Referencoj

1. Nekrologo de Zilberfarb
2. Иогансон Исаакович Зильберфарб (1-a de oktobro 2011) Arkivigite je 2019-07-10 per la retarkivo Wayback Machine (ruse).
3. Jarlibro de SAT (1927) (esperante).
4. "La Internacio" en SAT-jarlibro (1927) (esperante).
5. "Letero de la 5a de decembro 1926 al Eŭgeno Miĥalski" (esperante), citita en la antaŭparolo de Krys Ungar al la Plena Poemaro de Miĥalski (FEL 1994) p. 15.

Eksteraj ligiloj

• Johanson Zilberfarb en Vikifontaro (Universala biblioteko)

• ruse Biografio de Zilberfarb

Ĉi tiu artikolo ankoraŭ estas ĝermo pri esperantisto. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).

PeEnEo: 649975 LCCN: no94039902 VIAF: 245718414 ISNI: 0000000410349628 ICCU: IEIV031693