Hoboken-registro

La Hoboken-registro estas la plej ĝenerale uzata verkregistro de la komponaĵoj de Joseph Haydn. La ekzakta titolo tekstas jene: „J. Haydn, tema-bibliografia verkregistro“. Ĝin starigis la nederlanda muziksciencisto Anthony van Hoboken, kaj ĝi aperis inter 1957 ĝis 1977 en tri volumoj. Numero laŭ la Hoboken-registro estas ĝenerale indikataj per la skriba mallongaĵo Hob..

Joseph Haydn ja publikis grandparton de siaj komponaĵoj kun verknumeroj, sed la abundo de liaj verkoj necesigis sisteman katalogadon kiel bazo por la scienca esploro. Pro tio la Hoboken-registro male al Köchel-registro de la verkoj de Wolfgang Amadeus Mozart aŭ la Deutsch-registro de la verkoj de Franz Schubert ne estas kronologie ordigita, sed specigita laŭ verkgrupoj. Tio ĉi havas la avantaĝon, ke la verknumeroj plejparte kunfalas kun la Hoboken-numeroj.

Ekzemplo: „Hob. I:94“ = simfonio no 94

Ankaŭ se la Hoboken-registro nuntempe pro novaj ekkonoj de la esploro parte estas malnoviĝinta, ĝi tamen konservis grandan praktikan gravecon, precipe ĉar preskaŭ ĉiuj lumdiskaj registraĵoj kaj koncertprogramoj uzas ĉi tiun numeradon.

Hob.	Bezeichnung
I	Simfonioj (1–108)
Ia	Uverturoj (1–16)
II	Divertimentoj je 4 aŭ pli voĉoj (1–47)
III	arĉkvartetoj (1–83b)
IV	Divertimentoj je 3 voĉoj (1–11)
V	Arĉtrioj (1–21)
VI	Diversaj Duoj (1–6)
VII	Konĉertoj por diversaj instrumentoj
VIII	Marŝoj (1–7)
IX	Dancoj (1–29)
X	Diversaj verkoj por baritono (1–12)
XI	Trioj por baritono, violono/vjolo kaj violonĉelo (1–126)
XII	Duoj kun baritono (1–25)
XIII	Konĉertoj por baritono (1–3)
XIV	Divertimentoj por piano kun akompano (1–13)
XV	Trioj por piano, violono/fluto kaj vilolonĉelo (1–40)
XVa	Pianoduoj
XVI	Pianosonatoj (1–52)
XVII	Pianopecoj (1–12)
XVIIa	Verkoj por piano je kvar manoj (1–2)
XVIII	Pianokonĉertoj (1–11)
XIX	Pecoj por fluthorloĝo (1–32)
XX	Instrumentaj verkoj pri Die sieben letzten Worte unseres Erlösers am Kreuz
XX-2	Ĥorversio pri Die sieben letzten Worte unseres Erlösers am Kreuz
XXI	Oratorioj (1–3)
XXII	Mesoj (1–14) (en)
XXIII	Diversaj sakralaj verkoj
XXIV	Kantatoj kaj arioj kun orkestro
XXV	Lidoj je dui, tri kaj kvar voĉoj
XXVI	Lidoj kaj kantatoj kun pianoakompanado
XXVII	Kanonoj (sakralaj 1–10; profanaj 1–47)
XXVIII	Operoj (1–13)
XXIX	Kantoteatraĵoj
XXX	Teatromuzikaĵoj
XXXI	Prilaboraĵoj de skotaj (273) kaj kimraj (60) popolkantoj

Eksteraj ligiloj

• Werkverzeichnis Haydns wahlweise sortiert nach Hob., Opuszahl, Entstehungsjahr, Titel und Musikgattung
• Werkverzeichnis Haydns (Französisch)