Henry Royce

Sir Frederick Henry Royce (naskiĝis la 27-an de marto 1863 en Alwalton, Peterborough; mortis la 22-an de aprilo 1933) estis pioniro de aŭtomobila produktado. Kune kun Charles Stewart Rolls li estis la fondinto de la aŭtomobilprodukta firmao Rolls-Royce.

statuo de Henry Royce antaŭ la sidejo de la firmao Rolls-Royce en Derby

Henry Royce
Persona informo
Naskiĝo	27-an de marto 1863 (1863-03-27) en Huntingdonshire
Morto	22-an de aprilo 1933 (1933-04-22) (70-jaraĝa) en West Wittering
Tombo	Cambridgeshire (en)
Lingvoj	angla
Ŝtataneco	Unuiĝinta Reĝlando (Britio) Unuiĝinta Reĝlando de Granda Britio kaj Irlando (1801–1922) (–1927)
Okupo
Okupo	entreprenisto car designer (en) inventisto inĝeniero
v • d • r

Royce naskiĝis kiel kvina infano de siaj gepatroj. La patro estis muelisto. En 1867 divorciĝis la gepatroj, kaj la patro kun la du plej junaj filoj, inter ili Henry, translokiĝis al Londono kaj jam mortis en 1872, kiam Henry estis naŭ-jara. Henry sekve devis labori kiel gazeta vendisto kaj telegrafa mesaĝisto. En aĝo de 14 jaroj li eklaboris kiel metilernanto en la lokomotivoprodukta firmao de la fervoja entrepreno Great Northern Railway en Peterborough. Pli poste li laboris en firmaoj en Leeds kaj Londono, kaj en 1884 per bankrotiĝo de la lasta firmao senlaboriĝas.

Kun la elektroinĝeniero Ernest Claremont li en Manĉestro fondas firmaon kiu produktas dompordajn sonorilojn, ampolingojn, dinamojn kaj elektromotorojn. La firmao eksukcesas kiam ĝi ekuzas elektromotorojn anstataŭ vapormaŝinojn por konstruejaj gruoj. Ekde la jaro 1894 konstruiĝis potencaj grupoj por konstruado de pontoj, kaj la firmao iĝas akcia kompanio. Tiutempe Henry Royce jam severe malsanas. La kuracisto rekomendas al li ekskursi al la kamparo, por spiri bonan aeron, kaj Royce tiukaze aĉetas veturilojn unue de la firmao De Dion-Bouton kaj poste Decauville, kiuj ambaŭ ne kontentigas lin. Rezulte li konstruas propran aŭton, kiun vidas Charles Royce kaj kune ili en 1904 fondas la aŭtomobilproduktan firmaon Rolls-Royce.

Dum Charles Rolls jam mortas en 1910 en aviada akcidento, Henry Royce ĝis sia morto en 1933 gvidas la firmaon.

Eksteraj ligiloj

• Kategorio Henry Royce en la Vikimedia Komunejo (Multrimedaj datumoj)
• Henry Royce en la Vikicitaro (Kolekto de citaĵoj)

• retejo de la fondaĵo Sir Henry Royce Memorial Foundation en Britio Arkivigite je 2014-02-14 per la retarkivo Wayback Machine
• retejo de la fondaĵo Sir Henry Royce Foundation en Aŭstralio Arkivigite je 2002-04-02 per la retarkivo Wayback Machine

PeEnEo: 400361 GND: 119372924 LCCN: n81056836 VIAF: 52497640 ISNI: 0000000033758169 SUDOC: 166754420