Lingvo en Ekstremaduro From Wikipedia, the free encyclopedia
Fala, aŭ a fala (kun artikolo), estas latinida lingvo de la subgrupo galeg-portugala, kun elementoj de la astur-leona lingvaro, parolata en la municipoj San Martín de Trevejo, Eljas kaj Valverde del Fresno, en la Valo Jálama, en la nordokcidento de la provinco Cáceres, Ekstremaduro, Hispanio, ĉe la portugala landlimo kaj la provinca limo kun Salamanko.
Ĝi estas nomita tre diverse: fala de xálima, xalimés, xalimegu, mañegu, a fala d'acá, a nosa fala kaj chapurráu (en Valverde) aŭ, fare de la partianoj de la teorio pri dubinda rilato inter la fala kaj la galega lingvo, gallego de Extremadura aŭ galaico-extremeño. Ĝi estas lima kun la ĉirkaŭa parolmaniero.
En ĉiu loĝloko estas apartaĵoj (pro kio estus pli ĝusta la nomo as falas plurale), sed ili estas sufiĉe kompreneblaj inter si kaj rilate al la galega aŭ al la portugala. Tiuj lingvovarioj kutime nomiĝas lagarteiru (Eljas), manhegu/mañegu (San Martín de Trevejo) kaj valverdeiru (Valverde del Fresno).
Kalkulante ĉiujn loĝantojn de la tri municipoj temas pri ĉirkaŭ 6 000 parolantoj, dum aliaj fontoj altigas la ciferon ĝis 10 000, enkalkulante elmigrantojn kiuj revenas al la valo somere.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
